Spanja i bëri kërkesë sot Komisionit Evropian për një kredi prej më shumë se 20 miliardë euro, me qëllim financimin e skemës së punës me kohë të shkurtër, e paraqitur gjatë pandemisë.
“Shuma e saktë varet nga sa para kërkohen nga vendet e tjera të BE-së”, saktësoi Ministria spanjolle e Ekonomisë. BE ka vënë në dispozicion 100 miliardë euro për shtetet anëtare përmes skemës së punës me kohë të shkurtër të quajtur “Mbështetje për të lehtësuar rreziqet e papunësisë në një rast urgjence” (SURE).
SURE është pjesë e paketës së ndihmës prej 540 miliardë eurosh kundër koronavirusit, e miratuar nga shtetet anëtare në prill. Paketa përbëhet ekskluzivisht nga kredi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
