Space X ka përmbushur misionin e lëshimit në hapësirë të 60 satelitëve të tjerë Starlink, që shërbejnë për internetin global. Kompania e miliarderit Elon Musk, Space X ndërkohë ka nisur testimet në shumë shtete në territorin amerikan.
Satelitët e rinj janë pozicionuar 275 km larg sipërfaqes së Tokës dhe më pas do të vijojnë të lëvizin deri në kuotën e 55 km, ku do të bashkohen edhe me 800 të tjerë që ndodhen në këtë zonë.
Sistemi është në fazën testimi në disa shtete amerikane me qëllim ofrimin e lidhjes internet me student e njerëz që jetojnë në zona të humbura rurale dhe që deri më sot nuk e kanë patur këtë shërbim.
Lexoni: NASA zbulon ujë në sipërfaqen e Hënës
Sipas kompanisë Space X shërbimi do të nisë në përfundim të testimeve, por edhe të përmbushjes së numrit të paracaktuar në orbitë, kur të jenë 1440 satelitë.
Ndërsa përsa i përket mbulimit mbarë botëror, përfshirë zonat më të thella të planetit, kompania e Elon Musk do t’i përmbahet programit për të lëshuar një “yjësi” satelitësh, plot 12 mijë të tillë. Ndërkohë që deri tani janë rreth 900 që kanë mbërritur në destinacion, por vetëm 820 janë operativë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
