Ky proces do të zgjasë sot dhe nesër, ndërsa të gjithë personat e kthyer janë të detyruar të vetëkarantinohen për 14 ditë në një nga hotelet e qytetit të Durrësit, i cili është përshtatur për të pritur qytetarët që do kthehen në tokën shqiptare. Riatdhesimi dhe fluturimet e para do të kryhen nga Italia dhe Turqia.
Ministria e Infrastrukturës dhe Energjisë ka publikuar oraret, ndërsa fluturimet e para do të nisin me Stambollin dhe Romën, më pas ky proces do të vijojë me destinacionet Tiranë-Romë dhe Romë-Tiranë.
Të dielën, më 19 prill, fluturimet do të kryhen nga Tirana në Milano dhe anasjelltas, kurse në ditët në vijim janë parashikuar fluturime riatdhesimi nga Parisi, Londra, Bari dhe Frankfurti.
Bashkatdhetarët, që do të riatdhesohen do të paguajnë biletën prej 100 eurosh, por kjo shumë nuk është e njëjtë për të gjitha destinacionet pasi ajo do të shkojë në proporcion me largësinë reale.
Gjithashtu, periudha e karantinës do të kushtojë 21 euro, ku 14 prej tyre do të mbulohen nga qeveria për fjetjen dhe shërbimet e tjera, kurse shuma tjetër prej 7 eurosh do të paguhet nga personi për nevojat e tij ushqimore.
Karantinimi i tyre do të monitorohet në kushte speciale, ambienti ku do qëndrojë shqiptarët do të vëzhgohet me kamera dhe do të ruhet nga policia dhe ushtria.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
