Sot do të mbahet provimi i parë i Maturës Shtetërore në Shqipëri. Si asnjëherë më parë, ky provim i parë do të zhvillohet nën masa të rrepta sigurie.
Ashtu sikurse është lajmëruar më herët tezat do të jenë të reduktuara, ndërsa maturantëve do t’u matet temperatura, para se të hyjnë në sallat e provimit.
Po ashtu, ata do të kenë distancë nga njëri-tjetri, gjë e cila ka ndodhur për shkak të kopjimit, ndërsa këtë vit do të forcohet edhe për shkak të COVID-19. Të gjithë personat, që do të jenë të pranishëm gjatë zhvillimit të testit do të jenë të pajisur me maska dhe doreza.
Ndërkohë, për shkak të pandemisë në ambientet ku do të kryhet provimi, do të bëhet dezinfektim dhe çdo klasë do të ketë maksimumi 15 nxënës, që do të mbikëqyren nga një koordinator.
Krahas protokolleve mbrojtëse dhe distancës fizike mes nxënësve, testi do të jetë vetëm me alternativa dhe korrigjimi do të kryhet në formë elektronike. Ministrja e Arsimit, Besa Shahini përmes një postimi në rrjetet sociale u ka uruar suksese nxënësve, të cilët kanë provimin e parë të Maturës Shtetërore.
Lexoni: Universiteti i Kembrixhit: Mësim online për vitin e ardhshëm akademik
“Mirënjohje të veçantë për secilin prej jush! Tashmë jemi në atë “fazën finale të maratonës” për maturantët tanë, të cilët kanë provimin e parë të Maturës Shtetërore. Suksese të përzemërta secilit prej tyre në çdo provim dhe i dëshiroj gjithë të mirat në rrugëtimin e tyre jetësor”, shkruan ministrja.
Më datë 11 qershor, maturantët do të japin provimin e Gjuhës Shqipe, më 15 qershor provimin e Matematikës dhe më datë 18 qershor, provimin e lëndës me zgjedhje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
