Pas 7 vitesh pritje, Sony ka prezantuar më në fund Playstation 5. Prezantimi i pajisjes së re pritej në fund të këtij viti, por Sony duket se ka dashur t’i surprizojë të gjithë të apasionuarit pas video-lojërave.
Konsola e re e videolojërave ka një procesor më të fuqishëm, më shumë memorie RAM sesa PlayStation 4 dhe një kartë grafike të përmirësuar.
Ndryshim tjetër i PS5 nga PS4, që u prezantua në vitin 2013, është fakti se konsola e re do të jetë e bardhë dhe pozicioni natyral do të jetë ai vertikal.
Lexoni: Blerja e Giphy nga Facebook, Autoriteti i Konkurencës nis hetimin
Komanda e re, që quhet Dualsense është një zhvillim i DUALSHOCK 4 dhe do të jetë e pajisur me mikrofonë në mënyrë që lojtarët të komunikojnë “online” me njëri-tjetrin pa pasur nevojë për kufje.
Mendohet se PS5 do të dalë në shitje për një çmim më të ulët se 500 euro.
Playstation 5 ofron një grafikë mjaft të avancuar si dhe kohë shumë më të shkurtra karikimi nëpërmjet përdorimit të hard diskut. Prezantimi i pajisjes së re u bë online dhe tërhoqi më shumë se 3 milionë vizitorë live vetëm në kanalin e youtube.
Kompania përmes këtij prezantimi, ka vendosur të surprizojë edhe rivalin e saj, Microsoft, që brenda fundit të këtij viti pritet të prezantojë pajisjen e re të Xbox, që është edhe rivali kryesor i playstation.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
