Në një takim të delegacionit të BE-së me përfaqësues nga më shumë se 20 bashki të vendit, përfaqësues nga Ministria e Ekonomisë dhe Ministrin e Shtetit për Çështjet Vendore Z. Eduard Shalsi, u prezantua programi i mbështetjes financiare prej 20 milionë eurosh i BE-së , i cili do të ndihmojë në zhvillimin e potencialit të ndërmarrjeve të vogla dhe të mesme shqiptare në sektorin e turizmit, duke shfrytëzuar lidhjen mes turizmit dhe ruajtjes së trashëgimisë natyrore dhe kulturore dhe kualifikimit urban vendor për rritjen ekonomike.
“Ashtu si BE-ja, Shqipëria do të duhet t’i bëjë ballë kërkesës për një ofertë turizmi që është e qëndrueshme dhe e përgjegjshme ndaj mjedisit, që është e orientuar nga shërbimi ndaj konsumatorit, që mbështetet nga infrastruktura e duhur”, i tha Shefi i Bashkëpunimit të Delegacionit të BE-së në Shqipëri Z. Yngve Engstroem autoriteteve vendore.
burimi: AIDA
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
