“Në datën 28 shtator, Presidenti i Republikës së Sllovenisë ka dekoruar mjeken shqiptare Hatije Ismaili me çmimin “Mjeku më i mirë në Slloveni”. Kjo falë suksesit të saj në punë gjatë kohës së pandemisë, si profesioniste por edhe si njeri.
“Hatije Ismaili është mjeke gjinekologe në Novo Mesto të Sllovenisë. Humanizmi, profesionalizmi dhe përkushtimi i saj kanë bërë që ajo pas zgjedhjes si gjinekologjia më e mirë, të votohet dhe të shpallet edhe mjekja më e mirë. Shqiptarja nga Gostivari bën krenar çdo shqiptar, jo vetëm në radhët e diasporës shqiptare në Slloveni, por për të gjithë shqiptarët nëpër botë. Ajo është model e shembull për t’u admiruar për rolin dhe mundësitë e gruas shqiptare, histori suksesi që i bën krenarë të gjithë shqiptarët”, thuhet në postimin e Ambasadës së Shqipërisë në Slloveni.
LEXO: Serena Leka, shqiptarja që triumfoi në Samitin Botëror të Inovacionit në Kinë
Ismaili ka lindur në Gostivar ku edhe kreu shkollën fillore, në shkollën Ismail Qemali, ku bëri dhe 2 vitet e para të gjimnazit. Më pas ajo u transferua në shkollën e mesme të mjekësisë në Mitrovicë ku kreu vitin e tretë, ndërsa të katërtin e kreu në Prishtinë. Pastaj ka vijuar studimet në Fakultetin e Mjekësisë në Rijekë të Kroacisë. Pasi disa eksperiencave të ndryshme ajo aktualisht punon në Novo Mesto të Sllovenisë.
Në mediat sllovene ajo shpesh shihet si një model për integrimin e emigrantëve në shoqërinë sllovene, duke thyer stereotipat për gratë emigrante: që ato kryesisht qëndrojnë prapa mureve të shtëpisë, nuk janë të arsimuar, nuk punojnë dhe nuk interesohen për arsimin e fëmijëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
