Në Shqipëri janë rritur aplikimet për ndërtimin e centraleve të prodhimit të energjisë nga panelet diellore.
Ministria e Energjisë bën të ditur se, kërkesa e parë është depozituar për një central në zonën e Topojës në Fier. Një investim privat me një fuqi të instaluar deri në 2 megavat, pothuajse sa një hidrocentral i vogël.
Ekspertë të energjisë shprehen se, deri tani janë bërë dy aplikime dhe po vazhdon një i tretë, në lidhje me investime në ndërtimin e centraleve të prodhimit të energjisë nga panelet diellore. Fuqia e tyre arrin deri në 2 megavat, brenda pritshmërive të parashikuara.
MEI bën të ditur se energjia nga dielli po kthehet në një mundësi të leverdisshme për qytetarët. Një çati me panele diellore mund të mbulojë një konsum mesatar mujor prej 500 kilovatësh. Prodhimi zgjat deri në 25 vite dhe kostoja mbulohet brenda 8 viteve të para. Për investime të tilla nuk nevojitet liçenca nga ERE, madje energjia e tepërt mund të hidhet në rrjetin e OSHEE-së.
Burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English