Silvio Pedrazzi është Drejtor i Përgjithshëm i Intesa Sanpaolo Bank në Shqipëri. Z. Pedrazzi drejton Intesa Sanpaolo prej tetorit 2013.
Para emërimit në këtë pozicion ai ka qenë drejtor i Commonwealth of Independents States and South Mediterranean Area, përgjegjës për të koordinuar filiale të vendosuar në Federatën Ruse, Ukrainë dhe Egjipt.
Ai e filloi karrierën e tij në sektorin bankar në vitin 1978 duke punuar në disa banka kursimesh në Itali dhe u bashkua me grupin Intesa në vitin 2000. Në Itali mbajti vendin e Drejtorit të Përgjithshëm të Cassa di Risparmio di Spoleto dhe të Cassa di Risparmio di Ascoli Piceno.Në vitin 2006 ai u emërua zëvendës kryetar i parë i Bordit Drejtues të Bankës Intesa në Beograd dhe në vitin 2008 si Kryetar i Bordit Mbikëqyrës të Pravex Bank në Ukrainë.
Krahas, punës për Grupin Intesa Sanpaolo, ai është i përfshirë në mënyrë aktive në shoqatat kryesore, duke drejtuar Shoqatën e Investitorëve të Huaj të Shqipëri (FIAA), si dhe anëtar bordi pranë Dhomës Italiane të Tregtisë në Shqipëri dhe Agjencisë së Zhvillimit të Investimeve në Shqipëri (AIDA).
Pedrazzi zëvendëson në këtë funksion z. Periklis Drougkas, Drejtor i Përgjithshëm i Alpha Bank Albania.
Nënkryetare e Shoqatës së Bankave është emëruar Adela LEKA, Drejtuese e Drejtorisë Ekzekutive, ProCredit Bank Albania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
