Sigal kombinon paketat e sigurimit me shërbimin telemjekësor TeleDoc

Sigal kombinon paketat e sigurimit me shërbimin telemjekësor TeleDoc


Kompania e sigurimit, Sigal Albania, ofron paketat e sigurimit së bashku me shërbimin e TeleDoc.

Teledoc Albania është shërbim mjekësor online. Mjekët e stafit janë të liçensuar dhe ju ofrojnë këshillim të vazhdueshëm nëpërmjet telefonit dhe videotelefonatave 24 orë në çdo ditë të javës.

Në një intervistë për BusinessMag, drejtori i përgjithshëm i Sigal Uniqa Group Austria, z. Avni  Ponari, thotë se ideja e bashkëpunimit me TeleDoc lindi si dëshirë për t’u kujdesur për klientët dhe për t’iu ofruar shërbim mjekësor.

TeleDoc aksesohet lehtësisht. Mjafton ta shkarkoni aplikacionin TeleDoc nga Apple App Store ose Google Play Store, të regjistroheni duke shkruar të dhënat përkatëse dhe mund të përfitoni video-konsultë nga shtëpia me një prej mjekëve që janë pjesë e stafit të klinikës.

Lexoni: Qendrat urbane po bëhen gati të na mirëpresin nesër. Fondi Shqiptar i Zhvillimit po përmbyll disa projekte

Është pozitiv fakti që mjekët kanë akses në sistemin e TeleDoc edhe nga shtëpia. Duke qenë se në situatën e pandemisë së koronavirusit, është e vështirë të konsultohesh me mjekët në spital, TeleDoc është një mundësi për të shprehur shqetësimet shëndetësore online.

Të dhënat e pacientit apo personit që kërkon këshillim online ruhen të sigurta, pa përfshirë palë të treta. Çdo pacient ka një kartelë elektronike të mirfilltë, në rast se telefonon apo ka nevojë për diçka shtesë, mjekët i përgjigjen duke u bazuar tek raporti që kanë shkruar pas çdo video-telefonate.

TeleDoc është degë e TeleDoc Global, e cila e ka qendrën në Austri. Nga ana tjetër edhe kompania Sigal është austriake. Lidhur me këtë, Besa Mulita, nga TeleDoc na thotë se “besojmë që cilësia e lartë e shërbimit austriak na bashkon”. Bashkëpunimi mes Sigal dhe Teledoc ka lindur që në fillim të vitit 2020.

Besa na tregon se telefonatat janë shumëfishuar këtë kohë. Shumica e qytetarëve pyesin lidhur me simptomat e COVID-19, por një hapësirë të madhe zënë edhe pyetjet mbi shëndetin mendor. “Mjekët tanë thonë se telefonuesit duan të dinë se si të menaxhojnë stresin, ankthin dhe depresionin në këtë kohë karantine”.

Lexoni: Shkollat do të hapen gjatë verës? Propozimi vjen nga Britania

Stafi mjekësor ka ofruar konsulta 24 orë çdo ditë të javës për menaxhimin e hipertensionit, diabetit, tiroides, rheumatizmës dhe sëmundjeve të tjera kronike. Por mjekët ofrojnë vazhdimisht suport edhe për regjimin ushqimor dhe aktivitetet fizike, që duhen kryer në kushte shtëpie.

Çdo paketë e sigurimit në SIGAL mund të kombinohet me paketën e Teledoc. “Deri tani e kemi ofruar falas me sigurimin e detyrueshem te automjetit (TPL)”, na thotë z.Ponari.

Për më shumë informacion rreth paketës së kombinuar Sigal dhe TeleDoc klikoni këtu.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0