Çdo ditë, deri në një milion njerëz kalojnë kryqëzimin në qendër të Tokios. Me një kapacitet prej 3,000 banorësh në një shkëmbim, është vendkalimi më i madh i këmbësorëve në botë.
Sa herë që ndizet drita e gjelbër në semafor, fillon një garë e vogël. Kush kalon më shpejt? Kush merr vijën e drejtë? Kush do të kalojë pa penguar dikë? Vendkalimi në vendin tuaj mund të mos jetë aq i madh, por çdo ditë, kjo garë e njëjtë ndodh miliarda herë në kryqëzimet rreth globit.
Gjithmonë jam i hipnotizuar nga qëndrimet e këmbësorëve të ndryshëm. Disa thjeshtë shikojnë në hapësirë, të tjerët zhyten plotësisht në telefonat e tyre. Disa janë të humbur në biseda apo mendime, ndërsa të tjerët mezi presin të kalojnë rrugën.
Por pa dyshim, personi që i kalon zebrat është gjithnjë personi më i vëmendshëm. Unë përpiqem të jem ai person. Unë nuk fitoj gjithmonë”, por kur fitoj, veç e kaloj gjysmën e rrugës derisa të tjerët nisen.
Ka shumë mënyra për të përmirësuar të menduarit tuaj. Ushtroni kujtesën, vendosni qëllime, mendoni pozitivisht, hani mirë, meditoni, lista është e gjatë. Por të gjitha këto bien në krahasim me përdorimin e vazhdueshëm të tiparit tuaj më të mirë: vëmendjes.
Nëse vërtet doni t’i bëni një nder trurit tuaj, përdoreni në maksimum vëmendjen tuaj në çdo gjë që bëni.
Edhe nëse jeni duke pritur dritën e gjelbër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
