Si të motivoni brezin e ri për punë?


Milenialët janë gjenerata e të lindurve midis viteve 1980-2000. Aktualisht ata përbëjne rreth 33% e të gjithë forcës punëtore, pra 1 në 3 të punësuar është “milenial”. Përgjithësisht kanë kualifikim të lartë dhe janë shumë të dhënë pas teknologjisë. Studimet tregojnë që ky brez nuk qëndron në të njëjtën punë për më shumë se dy vjet. Kjo ka bërë që punëdhënësit të kërkojnë mënyra për t’i mbajtur sa më gjatë pranë tyre. Poshtë po ju japim disa këshilla se si ti motivoni ata.

Jepuni dorë të lirë.

Milenialët kanë ambicie për të zhvilluar aftësitë dhe dijet e tyre, por kanë nevojë për dikë që t’u tregojë që janë në rrugën e duhur. Mënyra më e mirë është që t’u japësh gjithmonë vlerësime për punën që ata kryejnë. Jepuni liri në mënyrën që ata duan t’i bëjnë punët.

Ofrojini orare të përshtatshme dhe komoditet.

Meqënëse jemi në “epokën e internetit” milenialet preferojnë të punojnë në vende të cilat ndihen më rehat dhe jo me një orar fiks. Të punosh në zyrë tashmë nuk është një arritje për këtë brez. Sfida e tyre është të eksplorojnë sa më shumë botën.

Investoni për ta.

Projektet dhe trajnimet e reja janë një mundësi për të zhvilluar aftësitë e tyre. Kompanitë që i kanë në fokus këto praktika janë të preferuarat për t’u zgjedhur nga punonjësit më ambiciozë.

Lërini të përdorin median sociale.

Sipas një studimi botëror 60% e studentëve të intervistuar u shprehën se nuk do ta pranonin një vend pune nëse përdorimi i rrjeteve sociale nuk lejohej. Mos harroni që ky brez e përdor median sociale për të reklamuar veten e tyre, kjo gjë mund të kthehet në avantazh për biznesin tuaj!

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale