Shumë artikuj flasin për dëmet e mendimeve negative – duke përfshirë mënyrën se si ato mund të formojnë këndvështrimin, marrëdhëniet dhe potencialin tonë për sukses. Por, problemi me këtë inkuadrim të përgjithshëm është se ka shumë lloje mendimesh negative. Ndërsa shumë prej tyre mund të shkaktojnë probleme, mënyra më e mirë për t’i rregulluar ato varet saktësisht nga llojet e mendimeve negative që keni.
MENDIMi NEGATIV PËR VETEN TUAJ, është një nga llojet më vetëkufizuese të mendimeve, përfshin vetë-bisedimin negativ. Shpesh, ju mendoni për tipare që keni dhe që nuk ju pëlqejnë tek vetja ose arsyet pse nuk jeni në gjendje të arrini ndonjë qëllim.
Jo vetëm që ky model mendimesh ju bën të ndiheni keq, por gjithashtu përforcon një mentalitet fiks. Carol Dweck dhe kolegët thonë se një mentalitet fiks nxit të besosh se ke një shkallë të kufizuar aftësie ose talenti në një fushë të caktuar. Kur e etiketoni veten me një sërë tiparesh, kjo tenton t’ju përqendrojë në kufizime që në fund besoni se nuk mund t’i ndryshoni.
Për të ndryshuar bisedën e brendshme, mund të pranoni kufizimet që keni, por përqendrohuni te mundësitë për përmirësim. Hulumtimet mbi mentalitetin sugjerojnë që kur përvetësoni një mentalitet të rritjes, duke u fokusuar në mënyrat se si mund të mësoni të kapërceni sfidat, ka më shumë gjasa të jeni me energji nga situata të vështira në vend që të dobësoheni prej tyre.
Lexo: 7 ndryshimet midis trurit të femrave dhe meshkujve
MENDIMET NEGATIVE PËR NJË PROJEKT
Ndonjëherë, mendimet negative nuk kanë të bëjnë me ju dhe aftësitë tuaja, por për një projekt të veçantë për të cilin jeni duke punuar. Hulumtimet sugjerojnë se forca e motivimit tuaj varet nga besimi juaj nëse mund ta arrini një qëllim. Përballja me një detyrë që besoni se do t’i nënshtrohet përpjekjeve tuaja ju jep energji. Por, përballja me një detyrë që besoni se është e pamundur, shpërndan çdo energji që mund të keni pasur.
Është e natyrshme të përqendroheni në gjërat që nuk keni arritur ende. Nëse jeni të fokusuar në qëllimin e një projekti në përgjithësi, riformuloni mendimet tuaja për të ndarë detyrën më të madhe në një detyrë specifike dhe të arritshme. Në këtë mënyrë, ju mund të gjeneroni energji për të bërë pak përparim drejt qëllimit më të madh.
MENDIMET NEGATIVE QË PASQYROJNË ANKTHIN
Kur jeni në ankth, ka të ngjarë të keni një grup të përsëritur mendimesh që lidhen me objektin e ankthit tuaj. Ky cikël mendimesh negative quhet përtypje. Këto mendime negative kanë tendencë ta përkeqësojnë ankthin, sepse jeni të fokusuar në gjërat e këqija që mund të ndodhin.
Është e rëndësishme të prishni ciklin e përtypjes. Në afat të shkurtër, ju mund të konsideroni të ushtroni ose të bëni një shëtitje. Aktiviteti fizik shpesh do ta bëjë të vështirë përqendrimin në modelin e të menduarit negativ. Pas kësaj, megjithatë, ju duhet të keni një grup alternativ mendimesh në të cilat mund të përqendroheni.
Shkruani një listë të gjërave pozitive që po ndodhin në jetën tuaj. Kur e gjeni veten duke filluar një cikël mendimesh negative, hiqni atë listë dhe përqendrohuni në një nga gjërat pozitive që ndodhin në jetën tuaj ose përqendrohuni te një person për të cilin jeni mirënjohës. Qëllimi është të zhvilloni zakone për t’u fokusuar në gjërat pozitive kur tundoheni të përsiatni për gjërat negative.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
