Një situatë e tillë e bëri atë të mendonte se duhet ta merrte situatën nën kontroll. Si rezultat i kësaj ajo bashkëthemeloi Wheeliz, një shërbim të ndarjes së makinave që lidh lehtësisht njerëzit me aftësi të kufizuara me pronarët e makinave të adaptuara.
Sot Parisi numëron rreth 100,000 makina të zotëruara privatisht, por nuk është e thënë që të jenë në përdorim çdo ditë. Duke i ardhur në ndihmë komunitetit të individëve me kufizime të tilla për të lehtësuar transportin e tyre, Wheeliz u jep mundsinë edhe pronarëve të makinave të adaptuara t’i përdorin ato si burim shtesë të ardhurash duke i dhënë ato me qera.
Çmimet ditore të qeradhënies nga pronarët e tyre publikohen sipas një liste të rekomanduar në Wheeliz duke filluar nga 50€ deri në 60€ (55$ deri në 65$). Ky lloj biznesi, i cili ofron sigurime për punonjësit e tij, merr një komision prej 30%.
Me një çmim shumë konkurrues , Wheeliz jo vetëm që po bëhet popullor në shumë qytete të Francës, si: Paris, Nantë, Bordo, por po përgatitet të zgjerohet jashtë kufijve të shtetit francez.
“Unë kam besimin se ka një shans për ekonominë e ndërsjellë nëse transporti bëhet i aksesueshëm edhe për përdoruesit e karrigeve me rrota,” thotë De Vilmorin.
De Vilmorin duke i kuptuar mundimet që i është dashur të kalojë vetë me një kufizim të tillë në jetën e saj, ka qenë në mënyrë të vazhdueshme aktive në blogun e saj ku u ka tërhequr vëmendjen shumë entiteve që nga ndërtesat e Parisit që kanë një hyrje të vetme e deri te taksitë që nuk ofronin shërbim për individë me kufizime të tilla.
Ajo e ndjen se përdoruesit e karrigeve me rrota do t’i kuptojnë sfidat që njerëzit me aftësi të kufizuara hasin për gjetjen e një makine të përshtashme për ta dhe do të tregojnë vullnet për ndarjen e makinave të tyre të adaptuara për t’i ardhur në ndihmë një komunitetit më të gjerë individësh.
Momentalisht Wheeliz numëron 120 makina të listuara me 900 përdorues të regjistruar, përfshirë këtu njerëz nga vende të tjera që po e përdorin faqjen e website-it për planifikimin e udhëtimeve në Francë.
Si CEO e Wheeliz, e cila aktualisht po punon me një grup të vogël të sektorit të teknologjisë dhe me një zhvillues biznesi, De Vilmorin kërkon të ngrejë një rrjet global të makinave të adaptuara për individë me aftësi të kufizuara që kanë nevojë për to, gjë që do të thotë shtrirje e biznesit.
Kompania po vlerëson mundësinë e pajtimit të shoferëve të tyre dhe atë të lançimit të një aplikacioni, edhe pse pohon se nuk janë plane që kanë prioritet aktualisht ,sipas CEO-s De Vilmorin. Udhëtimet në makina të tilla ,ndryshe nga ato normalet, vijnë si rezultat i një planifikimi të mëparshëm, por drejtoresha ekzekutive nuk e përjashton një mundësi të tillë.
Ekonomia e ndërsjellë është shumë aktive në Francë, me shërbimet e tilla të ndarjes së makinave dhe shërbimet ‘peer-to-peer’ ose P2P (njëri-tjetri) si BlaBlaCar dhe Drivy. Vitet e fundit gjigandi Uber është përballur me oponencën e shoferave të taksive për konkurrencë të padrejtë, duke shkaktuar edhe protesta të dhunshme në Paris. Tashmë autoritetet po përpiqen të nivelojnë disbalancat mes shërbimeve të vjetra dhe atyre të reja.
Vetë Uber është kritikuar për faktin se nuk ka qenë i aksesueshëm nga njerëzit me aftësi të kufizuara fizikisht, por kohët e fundit ai ka lançuar UberASSIST, një shërbim me shofera, të cilët janë në mënyrë të veçantë të trajnuar për dhënien e ndihmës në aspektet e ndjeshmërisë dhe manovrimit në lëvizje. Gjithashtu ajo ka prezantuar karakteristika vizive edhe për shoferat me mungesë dëgjimi.
Sot për sot, De Vilmorin nuk mendon se Wheeliz do të ketë probleme me ligjin. “Nëse do të shërbesh si shoferi i një personi të ulur në karrigen me rrota në Francë, duhet të kalosh një test dhe të marrësh një çertifikatë. Është e vetmja rregullatore të cilën duhet ta zbatojmë,” thotë De Vilmorin.
Philippe Portier, një partner në firmën e avokatisë JeantetAssociés, konfirmon se Wheeliz nuk ka gjasa haset me çështje të rrepta me shtetin.
De Vilmorin shprehet: “Unë besoj se bota e nismave të reja dhe inovacioneve është ende e shkëputur nga nevojat e njerëzve me aftësi të kufizuara. Për mua është esenciale krijimi dhe ndërtimi i një komuniteti të qëndrueshëm i dedikuar ndaj problemit të lëvizshmërisë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
