Në një treg pune gjithnjë e më dinamik, roli i liderit modern po ndryshon me ritme të shpejta. Kompanitë nuk kërkojnë më vetëm menaxherë që japin udhëzime teknike, por drejtues që dinë të zhvillojnë punonjësit edhe në aspektin emocional dhe të sjelljes.
Lexo gjithashtu: Po kërkon të fitosh pa investuar shumë? Këto bizneset mund t’i fillosh sot
Sipas një analize nga Fast Company, zhvillimi i aftësive sociale dhe emocionale te punonjësit është thelbësor për suksesin e kompanisë. Megjithatë, shumë liderë hasin vështirësi kur duhet të ndihmojnë ekipin për të ndryshuar sjellje ose për të ndërtuar inteligjencën emocionale. Për të kapërcyer këtë sfidë, ekspertët sugjerojnë përdorimin e një metodologjie të quajtur “The Development Pipeline”, e krijuar nga David Peterson dhe Mary Dee Hicks.
Ky model thekson pesë kushte që duhen plotësuar për një zhvillim të suksesshëm:
-Ndërgjegjësimi: Punonjësit duhet të kuptojnë çfarë kanë nevojë të përmirësojnë dhe pse është e rëndësishme.
-Motivimi: Pa një dëshirë reale për ndryshim, zhvillimi mbetet i pamundur.
-Aftësia: Punonjësit duhet të dinë saktësisht si të përmirësojnë një aftësi ose sjellje.
-Praktika: Sjelljet e reja kërkojnë përsëritje dhe provë në situata reale.
Përgjegjshmëria: Mbajtja e angazhimit nëpërmjet ndjekjes së rregullt është çelësi i suksesit.
Lexo gjithashtu: Startup-i që dëgjon për të fituar/14 milionë dollarë për Lace, “veshët” e rinj të shitjeve
Ekspertët theksojnë se liderët duhet të jenë të vëmendshëm, të bëjnë pyetje të hapura dhe të krijojnë një klimë të besueshme në takimet e zhvillimit personal. Procesi nuk ndodh brenda natës, kërkon kohë, përkushtim dhe një përqasje të qëndrueshme.
Në fund të ditës, liderët që investojnë në zhvillimin emocional të ekipit të tyre nuk ndërtojnë vetëm performancë më të mirë, por edhe ekipe më të lumtura dhe më të qëndrueshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English