Mos shko në një mbledhje nëse nuk ke një qëllim për të.
Pyetja “Si i drejton Elon Musk mbledhjet e tij në mënyrë efiçente?” u shfaq në Quora – rrjeti i shkëmbimit të njohurive, ku pyetjeve të rëndësisshme u janë përgjigjur njerëzit me njohuri të veçanta.
Përgjigjia u dha nga Skyler Shuford, inxhinier i hapësirës ajrore, në Quora:
“Me një fjali, bëj një mbledhje vetëm kur është e nevojshme.”
Kur unë isha në SpaceX në vitin 2015, takimet ishin të rralla, por unë do të thoja se ato ishin më të zakonshme në grupin tim. Kam punuar në “Dragon Development”, i cili është kryesisht projekt për sistemet inxhinierike për shumëllojshmërinë e produkteve Dragon. Ne kishim nevojë për të koordinuar grupe të ndryshme për të sinkronizuar afatet kohore. Pra, t’a bashkosh ekipin së bashku për një qëllim ka kuptim.
Një nga miqtë e mi të ngushtë ka filluar punë dy vjet para meje. Ai ka punuar (dhe ende punon) në një grup analize, ku mbledhjet kanë pak kuptim, pasi ju mund të ecni pak, të shkoni tek kolegu dhe të bëni një pyetje. Ai më tregoi në një rast një histori (kjo është parafrazuar):
Elon i tha një anëtari të takimit: “Ju nuk keni thënë asgjë. Përse jeni këtu?”
Kjo mund të jetë e vrazhdë, por ka kuptim. Mos shkoni në një takim nëse nuk ka një qëllim për të: ose për të marrë një vendim ose për t’u thënë punonjësve të shtojnë shpejtësinë me të cilën punojnë. Në shumicën e rasteve, një email do të mjaftojë.
Takimet janë të shtrenjta. Supozojmë se kosto e plotë e një inxhinieri mund të jetë 80 $ deri në 100 $ në orë. Duke patur një takim me 10 persona mund t’i kushtojë një kompanie rreth 1.000 $ në orë!
Për 1.000 $ në orë, takimi duhet të jetë i vlefshëm!
Burimi: inc.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
