Njësia e zbatimit të projektit ProSEEED 2.0 (projekt i financuar nga Republika Federale e Gjermanisë për Republikën e Shqipërisë, nën mbikëqyrjen e Deutsche Gesellschaft für Internationale Zusammenarbeit (GIZ)) njofton të gjitha bizneset ekzistuese dhe start-up për shtyrjen e afatit të aplikimit për grante nëpërmjet Skemës “Smart&Green Future” në mbështetje të sipërmarrësve aspirantë dhe ekzistues.
Projekti do të mundësojë për fituesit shpërndarjen e rreth 75 granteve në mbështetje të sipërmarrësve që synojnë të përmirësojnë proceset e tyre të biznesit duke integruar elemente të gjelbra dhe/ose digjitale. Grantet do të kalojnë përmes Ministrisë së Ekonomisë, Kulturës dhe Inovacionit dhe do t’u shpërndahen sipërmarrësve te rinj dhe atyre ekzistues. Fushat kryesore që mbulon kjo skemë grantesh janë Teknologjia e Informacionit (TI), tekstilet, turizmi, zejtaria dhe agro-përpunimit, por jo vetëm.
Më poshtë përcaktohet afati i shtyrë për aplikim për grante nëpërmjet kësaj skeme:
Lançimi: 01.02.2024
Afati i fundit për aplikim: 15.03.2024
Shkarkoni dhe plotësoni dokumentacionin e mëposhtëm:
- Rregullorja e Thirrjes per Propozim per Grante SmartandGreen Future
- Plan Buxheti (Smart&Green Future)
- Forma e Aplikimit te Grantit (Smart&Green Future)
Dokumentacioni duhet të dorëzohet në një nga mënyrat e mëposhtme:
1) dorazi ose nëpërmjet shërbimeve postare private në adresën:
MINISTRIA E EKONOMISË, KULTURËS DHE INOVACIONIT
Rruga “Dëshmorët e 4 Shkurtit”, Tiranë
Për dijeni të: Njësia e Zbatimi të Projektit ProSEED 2.0
2) në formë elektronike në faqen www.meki.gov.al (kliko ketu);
3) nëpërmjet e-mailit në adresën: smart.green@meki.gov.al.
Afati i fundit për aplikim: 15.03.2024
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English