Shqipëria pjesë e SEPA, lajmi fantastik jepet në eventin e Bankës Botërore. Por kush ishte prezent në këtë event? - Business Magazine Albania

Shqipëria pjesë e SEPA, lajmi fantastik jepet në eventin e Bankës Botërore. Por kush ishte prezent në këtë event?

~3 minuta lexim

Shqipëria është zyrtarisht pjesë e Zonës së Përbashkët të Pagesave në Euro (SEPA) dhe ky lajm u njoftua në një event të profilit të lartë të Bankës Botërore dhe Ministrit të Shtetit për Sipërmarrjen dhe Klimën e Biznesit, duke shënuar një hap të rëndësishëm në rritjen e pagesave ndërkufitare dhe integrimin financiar me Bashkimin Evropian.

iute u përfaqësua në këtë event nga CEO, z. Akan Ajdini, i cili e komentoi këtë lajm si një moment frymëzues në linjë me misionin e kompanisë për të ofruar shërbime pagesash online më të shpejta, më të lehta dhe më të sigurta. Pjesëmarrja e iute në këtë ngjarje ishte pjesë e Javës Globale të Sipërmarrjes, ku nëpërmjet “iutech”, një platformë diskutimesh që ofron praktikat më të mira të iute dhe eksperiencën më të mirë estoneze, si nxitje e digjitalizimit dhe zhvillimit teknologjik në ekonominë shqiptare.

Ajdini theksoi rëndësinë e bashkëpunimit mes autoriteteve shtetërore dhe institucioneve financiare private, për të përsosur shërbimin digjital të ofruar për qytetarët shqiptarë. “Do të donim suportin dhe mbështetjen e institucioneve publike. Kërkesa jonë si institucion fintech, e shprehur më parë edhe nga bankat dhe Shoqata Shqiptare e Bankave, është integrimi i regjistrave të të dhënave të qytetarëve. Një integrim mes databazave të institucioneve publike me ato private, do të ndihmonte shumë digjitalizimin e procesit. Ne marrim gjithmonë si shembull zhvillimin e shoqërisë digjitale në Estoni, por kjo nuk mund të ndodhë në Shqipëri nëse nuk ndodh shkëmbimi i të dhënave mes platformave të të dhënave. Ky shkëmbim do t’i jepte mundësinë institucioneve fintech dhe jo vetëm, të grumbullojnë dhe analizojnë të dhënat e qytetarëve: jo vetëm të ardhurat, por pse jo edhe adresat, informacione mbi pronësitë, automjetet, etj., gjë që do të sillte një vendimmarrje më të mirë nga institucionet, një proces më të thjeshtë të regjistrimit të klientëve dhe një proces shumë më të shpejtë.”

Ky moment historik është një moment kyç për sektorin financiar të Shqipërisë, pasi anëtarësimi në SEPA rrit efikasitetin e transaksionit dhe ul kostot për bizneset dhe konsumatorët. iute mbetet e përkushtuar për të nxitur transformimin digjital dhe për të ofruar zgjidhje inovative dhe të sigurta pagesash që mbështesin zhvillimin ekonomik të Shqipërisë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Nëse nuk dështon ndonjëherë, atëherë nuk je inovativ mjaftueshëm.”
— Elon Musk
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0