Sipas të dhënave më të fundit të renditjes së mesatares së IQ-së për vitin 2026, Shqipëria shënon një përmirësim të dukshëm, duke arritur një mesatare prej 101 pikësh, që e vendos vendin në vendin e 19-të globalisht.
Ky rezultat përfaqëson një rritje prej 3.81 pikësh krahasuar me mesataren e vitit të kaluar, e cila ishte 97.19.
Renditja është publikuar nga faqja International IQ Test, e cila paraqet grafikë mbi zhvillimin e aftësive intelektive prej vitit 2018, falë platformave që zotëron.
Në rastin e Shqipërisë, pjesëmarrësit në anketë kanë qenë 456 dhe ata mesatarisht kanë reflektuar IQ në nivelin e 101 pikëve.
Shqipëria renditet pas vendeve si Shtetet e Bashkuara, Kanadaja dhe Mbretëria e Bashkuar, duke treguar një performancë të qëndrueshme krahasuar me vendet e tjera të rajonit dhe Evropës. Ky progres i dukshëm mund të lidhet me investimet në arsimin e lartë dhe zhvillimin e kapaciteteve cognitive të popullsisë, sipas ekspertëve të fushës.
Renditja globale për 2026 tregon se vendet me IQ më të lartë janë Koreja e Jugut (106.97), Kina (106.48) dhe Japonia (106.3).
Shqipëria, duke u pozicionuar në vendin e 19-të, ka kaluar Zvicrën, Italinë dhe Greqinë, duke treguar një trend pozitiv krahasuar me vitet e kaluara.
Ky rezultat vendos Shqipërinë në hartën globale të vendeve me performancë të lartë mendore dhe tregon një trend inkurajues për zhvillimin e burimeve njerëzore në vend.
Në kuadër të të dhënave të publikuara, vendet e tjera të rajonit si Serbia (99.83) dhe Maqedonia e Veriut (98.88) renditen më poshtë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
