Për herë të parë, Shqipëria do të përfshijë Inteligjencën Artificiale në luftën kundër pastrimit të parave dhe financimit të terrorizmit, duke shënuar një hap të rëndësishëm drejt modernizimit dhe forcimit të sistemeve të sigurisë financiare.
Agjencia e Inteligjencës Financiare (ish Drejtoria e Përgjithshme e Parandalimit të Pastrimit të Parave) ka prezantuar Strategjinë Kombëtare kundër Pastrimit të Parave dhe Financimit të Terrorizmit 2024–2030, e cila synon të ndërtojë një sistem financiar të qëndrueshëm, të sigurt dhe të papërshkueshëm nga rreziku kriminal. Përdorimi i inteligjencës artificiale parashikohet si një nga shtyllat themelore të kësaj strategjie.
Në thelb të saj, kjo strategji përfshin ngritjen dhe konsolidimin e sistemeve digjitale për menaxhimin dhe gjurmimin e çështjeve sensitive, përdorimin e teknologjisë për rritjen e përputhshmërisë me rregulloret kundër pastrimit të parave dhe financimit të terrorizmit, si dhe aplikimin e AI-së për analizën dinamike të të dhënave dhe vlerësimin e rrezikut shkruan Ekofin.
Lexo edhe: 22-vjeçarja nga Kosova shpallet “Cybersecurity Woman of the Year 2025” në SHBA
Në përputhje me udhëzimet e Komisionit Evropian dhe organizatës Moneyval, strategjia thekson rëndësinë e bashkëpunimit ndërkombëtar, përfshirjes aktive të të gjitha institucioneve në vlerësimet ndërkombëtare, dhe përmirësimin e qëndrueshëm të kuadrit ligjor dhe standardeve të punës në këtë fushë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
