Shqipëria dhe Kosova me treg të përbashkët. Kompania greke fiton tenderin për funksionimin e Bursës Shqiptare të Energjisë - Business Magazine Albania

Shqipëria dhe Kosova me treg të përbashkët. Kompania greke fiton tenderin për funksionimin e Bursës Shqiptare të Energjisë

Shqipëria dhe Kosova tanimë do të kenë bursën e tyre të energjisë, në të cilën kompanitë publike, bizneset dhe ndërmjetësit do të kenë mundësinë të sheshin dhe blejnë energjinë në tregun e lirë.

Dy vendet ishin të vetmet në rajon, të cilat nuk kishin një bursë funksionale energjie dhe për këtë arsye cmimet e blerjes së energjisë si referencë merreshin nga Bursa Hungareze.

Tenderin për ofrimin e platformës elektronike të tregtimit e ka fituar një konsorcium grek. Bëhet fjalë për kompanitë HELLENIC ENERGY EXCHANGE S.A (Bursa Greke e Energjisë), ENEX CLEARING HOUSE (Kompania për platformën e rakorim/ likuidimit financiar) dhe HELLENIC EXCHANGES – ATHENS STOCK EXCHANGE S.A(Bursa e Titujve e Greqisë).

Lexo edhe: Energjia, do të rishikohet kompensimi për mbrojtjen e shtresave në nevojë nga rritja e çmimit

Në faqen e Agjencisë së Prokurimit Publik (APP) është publikuar njoftimi, ku rezulton se me një ofertë prej 220 milionë lekësh bashkimi i tre operatorëve nga shteti fqinj është fituesi. Mbyllja e procedurës rezulton të jetë bërë më 13 Dhjetor 2021 kur është bërë edhe njoftimi drejtuar konsorciumit.

Shqipëria e themeloi bursën e saj para dy vitesh, por ajo nuk ishte aktive sepse nuk kishte platformën elektronike të tregtimit, e cila tashmë do të mundësohet nga kompania fituese. Po kështu do të asistojë në krijimin e një strukture më të përshtatshme si dhe këshillimin mbi rregullat e tregtimit. Ofruesi i shërbimit do të garantojë që ALPEX sipas modelit europian të organizojë tregun e ditës në avancë dhe brenda të njëjtës ditë si fillim për tregun e Shqipërisë dhe më pas bashkimin e tregjeve shqipëri Kosovë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0