Ministrat e Turizmit të dy vendeve Bajram Hasani dhe Blendi Klosi kanë rënë dakord gjatë një takimi të mbajtur në Prizren.
Sipas ministrit Klosi, dy vendet do të punojnë në ndërtimin e një strategjie për të siguruar një ofertë të përbashkët përfshirë edhe vendet e Ballkanit.
Ministri Klosi tha se, “Ajo që na del detyrë është që të kemi mundësinë të bëjmë një program të përbashkët ndërmjet 2 institucioneve, tona që politikat administrative ta ndjekin me korrektesë atë çfarë biznesi privat dhe shoqëria civile ka realizuar. Prandaj një grup i përbashkët do të kenë mundësi që deri në tetor të përgatisin një agjendë të përbashkët që t’ia paraqesim tur operatorëve në një takim të përbashkët për ta parë jo vetëm dy anët e bjeshkës si një të tërë por të kemi një mundësi që në të gjithë rajonin e Ballkanit të kemi oferta të përbashkëta”.
Në vjeshtë në Brezovicë apo Rugovë do të bëhet hapja e sezonit turistik dhe ministr Hasani tha se pritet të ketë një tërheqjen sa më të madhe të turistëve nga vendi dhe rajoni.
“Ne jemi për bashkëpunim sidomos me shtetin shqiptar, sepse ka mundësi për fushën e bashkëpunimit edhe sa i përket turizmit. Biseduam që në fillim të sezonit së vjeshtës në Brezovicë, apo Rugovë të bëjmë hapjen e sezonit turistik dhe t’i japim një mesazh dhe t’i ftojmë të gjithë turistët të na vizitojnë dhe se ka shumë vend për të na vizituar edhe turistët nga shteti shqiptar”- u shpreh tha ministri Hasani.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
