Ky ishte viti i gjashtë që Partnerët Shqipëri organizon këtë konkurs i cili synon të mbështesë nisma biznesi që promovojnë përfshirjen sociale, integrimin, punësimin dhe zhvillimin ekonomik lokal nëpërmjet një qasjeje miqësore ndaj mjedisit.
Risia qëndron në bashkëpunimin dhe krijimin e një fondi të përbashkët të krijuar nga dhurime të kompanive vendase dhe institucioneve donatore ndërkombëtare, me mbështetjen institucionale të Fondit Rockefeller Brothers (RBF).
Gjatë dy ditëve të konkurimit, 22 individë, organizata të shoqërisë civile e sipërmarrje të biznesit të vogël prezantuan projekt-idetë e tyre përpara një jurie ekspertësh, e cila përzgjodhi tre idetë më të mira.
Juliana Hoxha, drejtoreshë e “Partnerët-Shqipëri”, u shpreh se këtë vit, si çdo vit tjetër në mbështetëm tre ide, të cilat në fakt janë goxha diverse nga natyra e të bërit biznes, njëra sjell në vëmendje maskat, bërjen e tyre nëpërmjet materialeve të riciklueshme, kryesisht gazetave. E dyta ka të bëjë me krijimin e brendit të Aromatherapy duke përdorur produkte dhe vajra bimorë në fushën e kozmetikës ashtu edhe të hoteleri-turizëm. E treta ka të bëjë më shumë me pjesën e kulturës, kulinarisë në zonën e Gjirokastrës.
Secila nga idetë fituese do të mbështetet financiarisht deri në shumën 800.000 lekë. Bashkëfinancues të këtij fondi janë Fondi Rockefeller Brothers, Banka Credins dhe Telekom Albania.
Fituesit gjithashtu do të jenë pjesë e Konkursit rajonal që do të zhvillohet nga Rockefeller Brothers Fund në Mal të Zi, në Korrik të vitit 2017.
Burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
