Shoqata Kombëtare e Transportit Qytetas dhe Shoqata e Transportit Urban dhe Inter-Urban u kanë drejtuar një letër kryeministrit dhe ministres së Infrastrukturës dhe energjetikës.
Në kërkesën e tyre ata theksojnë vazhdimin e subvencionit për kompanitë që ofrojnë shërbimine transportit publik, nisur nga çmimi ende i lartë i naftës.
Kjo kerkesë vjen pas aplikimit të subvencionit të gati 50% të ccmimit të naftës për këto kompani në 3 mujorin e mëparshëm.
Shoqatat e transportit kanë theksuar vazhdimisht nevojën emergjente për mbështetje, ne veccanti duke nisur që nga periudha e pandemisë.
Operatorët theksojnë se sektori aktualisht po has problemate lidhur me veprimtarinë dhe shërbimin e ofruar. Ato flasin për vështirësi në operim; mungesë kompensimi të vazhdueshëm; pamjaftueshmëri e mbështetjes nga organet përgjegjëse; vështirësi me çmimet e larta të naftës në treg dhe pjesëve të këmbimit të nevojshëm për mirëmbajtjen e mjeteve; vështirësi në mbajtjen e punëtorëve dhe mbështetjen e stafit në këtë sektor; si dhe një sërë vështirësish të tjera që bëjnë të pamundur operimin optimal të tyre dhe shërbim me cilësi të lartë.
Për këtë arsye ata kërkojnë takim me institucionet e qeverisjes qendrore dhe ato vendore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
