Në një deklaratë të përbashkët, shoqatat e biznesit kanë vënë në dukje shqetësimet dhe dëmet e pësuara nga zhvlerësimi i theksuar i euros ndaj lekut.
Ata njoftuan për dëme të mëdha ekonomike, per eksportuesit dhe ekonominë e vendit.
Alban Zusi, drejtues i Shoqatës së Eksportuesve, tha se, “Pasojat tepër të rënda nga mbiçmimi i lekut me kursin e këmbimit po shfaqin efektet e para. Prej disa muajsh ka humbje dyshifrore dhe po japin efekte drejtpërdrejt në xhepat e qytetarëve, që të ardhurat i kanë nga remitancat, jo pak nga ata që i kanë kredi për shtëpi në euro”. Sipas tij, në veccanti për bizneset eksportuese falimenti është i garantuar.
Sipas tij, bizneset eksportuese kanë ndjekur rrugën institucionale për të adresuar rreziqet me aktorët institucionalë për zgjidhjet. Por, nuk ka pasur një progres, ndërsa regresi i kompanive eksportuese deri në faliment është realitet që përkeqësohet përditë.
Lexo: Un Women: Gratë në Shqipëri shpenzojnë 5 orë në ditë për fëmijët
“Mjerisht ekspertë, këshilltarë ekonomikë të institucioneve qendrore e publike, në të cilët është diskutuar katastrofa ekonomike, për shkak të mbiçmimit të pakontrolluar dhe pashpjegueshëm të lekut nuk kanë vetëdije të plotë mbi rëndësinë e situatës dhe dimensionet e pasojave ekonomike dhe sociale që mund të prodhojë ende në vijim kjo situatë.”
Drejtuesi i shoqatës së fasonëve, Edvin Premçi tha se humbjet mujore të fasonëve janë mbi 9 milionë euro vetëm nga kursi i këmbimit.
Sipas përfaqësuesit të bimëve mjekësore, “Industria më e prekur është ajo e bimëve mjekësore, pasi 100% te kostot e prodhimit i ka në lekë, ndërsa blerjen e lëndëve të para, shpenzimet operative, shitjet në euro e dollarë dhe humbjet jane 17-20% në çdo kompani .
Ata i bënë thirrje qeverisë se nëse nuk do të përcaktojë një kurs fiks, në bazë të rregullave, do të dalin në protestë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
