Gjëja më e mirë për një program që promovon bujarinë është kur përfituesi i atij programi e kalon më tej këtë bujari. Kjo ndodhi me një nga pesë fituesit kryesorë të iniciativës së Amazon “Alexa, Falëndero Shoferin Tim”, e cila siguronte 5 dollarë për çdo shofer të Amazon kur klientët zgjidhnin të thoshin “faleminderit”, përmes pajisjeve Amazon të mundësuara nga Alexa.
Greylon Anthony, një shofer dërgesash me bazë në Charlotte, Karolina e Veriut, mori 10,000 dollarë nga Amazon për t’u renditur si një nga pesë punonjësit kryesorë të nominuar në program. Në vend që t’i mbante paratë për vete, Anthony dhuroi çekun e tij për Spitalin e Fëmijëve Atrium Health Levine për të ndihmuar në blerjen e materialeve të nevojshme dhe për të vazhduar kujdesin e domosdoshëm për pacientët e tij pediatrikë. Sipas Amazon, mbi tetë milionë “falënderime” u lançuan përmes programit që u prezantua dhjetorin e kaluar.
Lexo edhe:Çamërie Mazreku – Shqiptarja nga Kosova, inxhiniere softuerike në “NETFLIX”
“Deri më 8 dhjetor, kemi marrë më shumë se 1 milion ‘falënderime’, duke përfunduar promovimin që ofronte 5 dollarë për çdo ‘falënderim’ për shoferët e kualifikuar,” tha kompania në fund të vitit të kaluar. “Jemi të emocionuar për këtë mundësi të re për të falënderuar këta heronj të përditshëm dhe për t’i dhënë mundësinë klientëve tanë që të na ndihmojnë ta bëjnë këtë.”
Me prezantimin e programit, Amazon tha se do t’u jepte pesë shoferëve që morën më shumë falënderime, nga 10,000 dollarë secilit. Kompania harxhoi fondet e caktuara fillimisht për shpërblimet e shoferëve brenda vetëm një dite. Megjithëse falënderimi i shoferëve nuk do të sjellë më kompensim financiar për shoferët e nominuar, shoferët që janë përzgjedhur do të marrin një mesazh falënderimi dhe vlerësimi në emër të klientit nga kompania. Amazon kishte një rënie prej gati 42% në periudhën njëvjeçare deri të hënën pasdite.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English