“Por, unë dua që njerëzit të më pëlqejnë”. Një frazë e cila dëgjohet shpesh nga liderët, kur ata marrin vendime të paqëndrueshme. Dhe ka kuptim. Kush nuk do të dëshironte të ishte i pëlqyer?
Problemi është kur liderët janë gjithmonë të sjellshëm për të qenë të pëlqyer. Të jesh i sjellshëm gjithmonë do të thotë të mbash brenda ndjenjat negative, të injorosh nevojat e tua, të ndjesh urrejtje ndaj të tjerëve dhe ndoshta herë pas here të shpërthesh. Është e vështirë për të tjerët të kuptojnë se çfarë është vërtet në rregull me ty.
Liderët më të mirë nuk janë gjithmonë të sjellshëm. Të këndshëm? Po. Miqësorë? Sigurisht. Empatikë? Definitivisht. Por, të sjellshëm? Jo. Mos u përpiqni gjithmonë të jeni të sjellshëm. Liderët e sjellshëm duan të jenë të pëlqyer aq shumë sa që nuk vendosin kufij të shëndetshëm. Ata shmangin konfliktet dhe dorëzohen kur duhet të qëndrojnë dhe të mbrojnë qëndrimet e tyre.
Lexo edhe: 6 karakteristika të lidershipit
Vendosja e kufijve, bisedat e vështira dhe përballja me konfliktet janë veçanërisht aftësi të rëndësishme për liderët që janë të orientuar në vlerat e brendshme dhe të vetëdijshëm, të cilët quhen “liderë të fuqizuar nga dashuria, ndryshe “Amare”. Ata duhet të arrijnë një balancë midis tregimit të anëve të tyre të forta dhe të buta, edhe kur kjo nuk perceptohet si e sjellshme. Ja një manifestim mbi udhëheqjen e balancuar që fuqizohet nga dashuria:
5 Strategji “Amare” për të shmangur të qenurit tepër i sjellshëm
- Analizoni besimet tuaja rreth të qenurit i tillë
Reflektoni mbi besimet që keni mbi të qenurit i sjellshëm dhe si ato ndikojnë në sjelljen tuaj. Plotësoni këto boshllëqe për të kuptuar më mirë: “Mësoja se të qenurit i sjellshëm është _____________,” “Kur jam i sjellshëm _____________,” dhe “Njerëzit e sjellshëm _____________.” Pyesni veten nëse këto besime janë ende të vlefshme për organizatën dhe për zhvillimin tuaj personal. - Vëzhgoni situatat kur jeni joautentikisht të sjellshëm
Identifikoni momentet kur ndiheni të detyruar të jeni të sjellshëm në mënyrë të shtirur. Shkruani: (a) çfarë e nxit këtë sjellje, (b) cilat janë historitë që krijoni rreth saj, dhe (c) çfarë ndodh nëse do të ishit më autentik. - Përcaktoni etiketat e duhura për anën tuaj të butë dhe të fortë
Mendoni se si dëshironi që të përshkruhet ana juaj e butë, përveç termit “i sjellshëm” – mund të jetë “kujdesës,” apo “i afërt”. Po ashtu, mendoni si dëshironi që të përshkruhet ana juaj më e fortë – mund të jetë “e fortë,” ose “e qëndrueshme.” Filloni të përdorni këto etiketa për të reflektuar dhe për të komunikuar më mirë me të tjerët. - Bëni hapa të vegjël dhe eksperimentoni
Eksperimentoni me mënyrat e komunikimit tuaj duke qenë të drejtpërdrejtë pa qenë të ngutur, dhe autentik pa qenë i ftohtë. Filloni me tekstet dhe email-et tuaja, duke vëzhguar përdorimin e piketave të shprehjes për të siguruar një komunikim të balancuar. - Vlerësoni kulturën e organizatës
Analizoni kulturën e organizatës tuaj për mënyrën se si trajtohet të qenurit i sjellshëm. Vëzhgoni nëse është i kushtëzuar, i pritur gjithmonë, i shpërblyer ose i ndëshkuar, dhe nëse është i barabartë në të gjitha nivelet. Vëzhgoni gjithashtu si përballohen konfliktet dhe sjelljet e tjera të lidhura me të qenurit i sjellshëm.
Të qenurit i sjellshëm është mirë, por nuk është një cilësi efektive e lidershipit kur e tepron. Në vend të kësaj, respektoni ndjenjat tuaja, jini të sinqertë dhe mbani kufij të shëndetshëm në rrugën tuaj për të qenë një lider autentik, i balancuar dhe i fuqizuar nga dashuria.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
