Sindikata e Punonjësve të Poste-Telekomit Shqiptar kërkon garanci në procesin e transaksionit nga kompania greke OTE, pjesë e grupit Deutsche Telekom, të aksioneve në kompaninë Telekom Albania tek kompania bullgare “Albania Telecom Invest AD”. Duke patur deri tani kontrollin e aksioneve, kompania OTE e ka menaxhuar kompaninë shqiptare Telekom Albania, e cila punëson 27 % të punonjësve në sektorin e komunikimeve celulare në Shqipëri.
Në një njoftim për media, thuhet se, “nisur nga komunikimet zyrtar të kompanisë OTE, gjatë gjysmës së parë të vitit 2019, deri kur shitja e Telekom Albania të përfundojë, pas lejes dhe miratimit nga autoritetet kompetente shqiptare, Sindikata e Punonjësve të Postë-Telekom Shqipëri u kërkon autoriteteve”:
Lexo: OTE konfirmon shitjen e ‘Telekom Albania’ tek Spas Roussev dhe Elvin Guri për 50 milionë euro
- Ministrisë së Infrastrukturës dhe Energjisë, Agjencisë dhe në veçanti Autoritetit të Komunikimeve Elektronike dhe Postare (AKEP), që të bëjnë publike negociatat dhe të sigurojnë se plani i biznesit i kompanisë bullgare “Albania Telecom Invest AD” do të ruajë vendet e punës aktuale në kompaninë Telekom Albania dhe nuk do të aplikojë shkurtime drastike të vendeve të punës, me justifikim futjen e teknologjive të reja.
- Komisionit Parlamentar të Veprimtarive Prodhuese, Tregtisë dhe Mjedisit i kërkontët të mbikqyrë me kujdes dhe rreptësisht këto negociata, për të mos lejuar cënimin e interesit publik, në rradhë të parë të së ardhshmes së vendeve të punës në kompaninë Telekom Albania, si dhe të kërkojë pranimin nga kompania investuese “Albania Telecom Invest AD” realizimin e kontratës kolektive të punës me punonjësit e Telekom Albania, si një garanci më shumë për sigurimin e vendeve të punës.
Në rast se konstatohet ndonjë shkelje logjore lidhur me punëmarrësit përfaqësuesit e sindikatës paralajmërojnë se do të kundërveprojnë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
