Shirat dëmtuan bujqësinë. Paralajmërohet ulje e eksporteve
Përditësuar së fundmi: 12/03/2018

Shirat dëmtuan bujqësinë. Paralajmërohet ulje e eksporteve

Share
nga Albana Mucaj
Mar 12, 2018

Kulturat bujqësore të dimrit, po eksportohen më pak se një vit më parë. Reshjet e shumta shkaktuan përmbytje në fushat e hapura, duke dëmtuar përfundimisht të mbjelljat për lakrën, lulelakrën, brokolin e luleshtrydhet.

Mersin Lika, prodhues dhe eksportues i produkteve bujqësore, tregon se ka ulur në mënyrë të dukshme eksportet këtë vit. “Për shkak të reshjeve dhe daljes së lumit nga shtrati, është dëmtuar mbi 70% e sipërfaqes së mbjellë. Për këtë arësye nuk po eksportoj më si më parë, ndonëse kërkesa është”, thotë Mersini.

Me tokat e shtrira kryesisht në Gosë të Kavajës, Mersini pak vite më parë eksportonte në më shumë se 40 shtete pjesa më e madhe e të cilave në veri dhe lindje të Europës. Ai siguronte shitjen e prodhimit të të gjithë fermerëve të zonës, krahas prodhimit të tij. Mersini tregon se, “ky është viti i katërt që më dëmtohen të mbjellat nga përmbytjet ndaj do të filloj të tkurr aktivitetin”.

Më pak është prekur prodhimi në sera. Ruzhdi Koni, sipërmarrës për fidanët dhe eksportues i prodhimeve bujqësore, tregon se prodhimet e serave nuk patën dëme të mëdha, Por, ai tregon se prodhimi bujqësor këtë vit rrezikon të humbasë avantazhin kryesor. Atë të prodhimit të hershëm. “Për shkak të shirave, e temperaturave jo të favorshme, mbjellat janë vonuar, duke  shtyrë proshimin me dy javë”, thotë Koni.