Milionerët që duan të kthehen në astronautë privatë për një udhëtim në kozmos me raketën Space X Falcon 9 po paguajnë 55 milionë dollar për një udhëtim, i cili do të çojë vitin e ardhshëm në Stacionin Hapësinor Ndërkombëtar.
Ky do të jetë i pari mision privat njerëzor në hapësirë. Anëtarët e ekuipazhit të veçantë janë kreu i një firme pasurish të patundshme në Ohio Larry Connor, Mark Pathy, shefi ekzekutiv I firmës kanadeze të investimeve Mavrik Corp dhe Eytan Stibbe, biznesmen dhe ish pilot i forcave ajrore izraelite. Misioni do të drejtohet nga astronauti tashmë i tërhequr i NASA-s, Michael López-Alegría.
LEXO: 6 fakte rreth fluturimit të Space X
Space X po bashkëpunon për këtë rrugëtim me Aximo Space, që është dhe koordinuese i misionit. Partneriteti i tyre u njoftua marsin e 2020-tës.
The first private ISS crew in the history of humankind has been assembled.
Commander Michael López-Alegría
Mission Pilot Larry Connor
Mission Specialist Mark Pathy
Mission Specialist Eytan Stibbe
Axiom Mission 1 (Ax-1): The start of a new era. pic.twitter.com/vBlr0ASRhj
— Axiom Space (@Axiom_Space) January 26, 2021
“Besoj se hapësira është kufiri i madh i fundit. Për këtë arsye, jam i entuziazmuar dhe i nderuar që marr pjesë në këtë mision historik”, u shpreh Connor. Stibe nga ana tjetër i njeh mirë rreziqet. Ai ka qenë mik me astronautin e parë të Izraelit, Ilan Ramon që vdiq kur anija hapësinore Columbia u shkatërruar teksa kthehej në Tokë në 2003-shin. Stibe megjithatë shtoi se ka në plan të kryejë një studim shkencor për këtë në bashkëpunim me fondacionin Ramon dhe agjencinë hapësinore të shtetit hebre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
