Në sheshin Rabin, teatër tubimesh dhe protestash në qendër të Tel Aviv, ka rënë shi me kanabis ditën e enjte. Menjëherë, njerëzit u përpoqën të merrnin drogë falas ndërsa binte si shi nga qielli i Tel Avivit, falë grupit aktivist që qëndron mbrapa nismës për legalizimin e kanabisit. Green Drone hodhi qindra pako kanabis në rrugët e qytetit Izraelit.
Grupi, parulla e të cilit është “Dashuri falas”, përdori një dron për të hedhur marijuanë mbi sheshin rabin. Njerëzit e hutuar poshtë tij nxituan të mbledhin sa më shumë nga kjo ‘’dhuratë’’. Para se të fillonin operacionin, Green Drone kishte njoftuar komplotin përmes një mesazhi ku shkruante: “Është koha vëllezërit tanë të dashur. A është një zog? A është një avion? Jo, është një dron i gjelbër, që shpërndan kanabis falas nga qielli … Gëzoni vëllezërit tanë të dashur, ky është vëllai juaj pilot, duke u siguruar që të gjithë të kemi një dashuri falas.”
LEXO: Kjo është kompania më e madhe e kanabisit në botë
Green Drone, gjithashtu tregoi se operacioni ishte pjesë e fushatës të quajtur “Shiu i Kanabisit”. ‘Ne po fillojmë projektin “Shiu i kanabisit”, ku çdo javë, në pjesë të ndryshme të vendit do të shpërndajmë falas 1 kilogram kanabis të ndarë në qese me peshë 2 gram. “
Policia, pasi ka rikuperuar dhjetëra qese, ka arrestuar tre burra që pilotonin dronin. Aktualisht, përdorimi i kanabisit për arsye mjekësore është i lejuar në Izrael, ndërsa është i ndaluar përdorimi pa një justifikim mjekësor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
