Shërbimi i internetit dhe intranetit në tre institucione publike parashikohet t’i kushtojë jo pak buxhetit të shtetit.
Agjencia Kombëtare e Shoqërisë së Informacionit e ngarkuar për kryerjen e këtyre prokurimeve njoftoi këtë të martë për çeljen e procedurës me një fond limit prej 5.5 milionë euro pa TVSH. Ofrimi i shërbimit të internetit dhe intranetit do të jetë për një afat 2 vjeçar.
“Fondi limit/vlera e përafërt e kontratave në varësi të kërkesave/nevojave të institucioneve publike 632,264,825 (gjashtëqind e tridhjetë e dy milion e dyqind e gjashtëdhjetë e katër mijë e tetëqind e njëzetë e pesë) lekë pa TVSH ose 5,522,928 (pesë milion e pesëqind e njëzetë e dy mijë e nëntëqind e njëzetë e tetë) EURO pa TVSH fondet e Buxhetit të Shtetit. Çmimi për njësi internet është 37 (tridhjetë e shtatë) lekë për Mbps pa TVSH. Çmimi për njësi intranet është 23 (njëzetë e tre) lekë për Mbps pa TVSH” specifikon AKSHI në dokumentacion.
Tre insitucionet për të cilat AKSHI ka kërkuar specifikime të veçanta lidhur me parametrat e shërbimit që duhet të ofrohen nga kompania përfituese janë Agjencia Shtetërore të Kadastrës, Drejtorinë e Përgjithshme të Tatimeve, Institutin e Sigurimeve Shoqërore.
Lexo:
Këto janë institucione për të cilat Agjencia nënvizon se nuk mund t’i mbulojë me shërbimin nëpërmjet rrjetit qeveritar.
“Qëllimi i kësaj kontrate është ofrimi dhe mirëmbajtja e shërbimit të Internetit dhe Intranetit, që do të mundësojë lidhjen dhe komunikimin online e të sigurte për institucionet të cilat AKSHI nuk ka mundësi t’i mbulojë me shërbim nëpërmjet rrjetit Qeveritar GovNet.
Lidhjet për implementimin e shërbimit do të merret përsipër nga kompanitë ofertuese, Internet Service Provider (ISP) që operojnë në Shqipëri. Secila lidhje do të jetë e dedikuar nga kompania deri në pikën fundore të (panelet e fibrës) të institucionit përfitues, dhe në të gjitha rastet do implementohen duke përdorur teknologjinë e fibrës optike” thuhet në dokumentin e AKSHI.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
