Shënohet rritje e eksporteve pas 10 muajsh rënie - Business Magazine Albania

Shënohet rritje e eksporteve pas 10 muajsh rënie

~3 minuta lexim


Eksportet shqiptare kanë ndërprerë tendencën negative. Pas 10 muajsh radhazi me rënie, në prill eksportet nga Shqipëria u rritën me 1.5 për qind krahasuar me prillin e vitit 2015. Të dhënat zyrtare nga Instituti i Statistikave tregojnë se, shkaku kryesor ishte ecuria pozitive e industrisë së fasonit.

Sipas INSTAT, eksportet e grupit “tekstile dhe këpucë” u rritën muajin e kaluar me 37.8 për qind, krahasuar me prillin e vitit 2015: nga 6.4 miliardë lekë që ishin, në 8.8 miliardë lekë.

Veç fasonit, një tjetër zë me ecuri pozitive janë eksportet bujqësore, të cilat u rritën në prill me rreth 50 për qind krahasuar me vjet, edhe pse pesha e tyre në totalin e eksporteve mbetet ende e ulët.

Por, pavarësisht rritjes së lehtë në prill, në total si katërmujor eksportet janë këtë vit 5.9 për qind më të ulëta se vitin e kaluar, për shkak të ecurisë negative në tremujorin e parë.

Eksportet shqiptare janë goditur fort nga rënia e çmimit të naftës dhe mineraleve në tregjet globale, pasi këto janë nga zërat kryesore të produkteve që Shqipëria shet jashtë. Paralelisht, një tjetër zë me ecuri negative janë eksportet e materialeve të ndërtimit, të cilat u goditën nga falimentimi i “KURUM”.

Në kahun tjetër të tregtisë, atë të importeve, tendenca është pozitive. Të dhënat e INSTAT tregojnë se importet totale për katërmujorin u rritën me 7.7 për qind, si pasojë e ecurisë pozitive në zërin e “makineri pajisjeve dhe materialeve të ndërtimit” të ndikuara nga projekti “TAP”.

 

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0