Rrjeti social TikTok, i cili po thyen rekorde shkarkimesh nga miliona njerëz është vënë në shënjestrën e Shteteve të Bashkuara të Amerikës. Sipas Financial Times, administrata e Donald Trump po shqyrton mundësinë për ta futur në listën e zezë këtë aplikacion.
TikTok ka me qindra të punësuar që merren me sigurinë, produktin dhe politikën publike në SHBA. Drejtuesit e TikTok janë shprehur se kurrë nuk kanë siguruar të dhëna për qeverinë kineze, as nuk do ta bënin këtë edhe nëse i kërkohet. Ky rrjet social është kritikuar nga politikanët amerikanë si një kërcënim për sigurinë kombëtare për shkak të lidhjeve të saj me Kinën. Ata pretendojnë se kompania teknologjike mund të kontrollojë çështjet e brendshme.
Ky vendim vjen si një lloj “hakmarrje” që SHBA-të po ndërmarrin për ta goditur fuqishëm Kinën nga ana ekonomike. Por sipas ekspertëve të mediave sociale TikTok ka vetë disa kufizime edhe nga vetë Kina, por një gjë e tillë nuk arrin t’i bindë amerikanët. Edhe më herët kompania ka deklaruar se serverat e saj nuk janë në Kinë, por në Singapor e SHBA dhe se nga ana tjetër nuk ka ndarë asnjëherë të dhënat e përdoruesve me Pekinin.
Lexoni: Fabricius, aplikacioni i Google që deshifron hieroglifet egjiptiane
Aplikacioni ka fituar mjaft popullaritet në Shtetet e Bashkuara dhe vendet e tjera perëndimore, duke u bërë platforma e parë kineze e mediave sociale që fiton kaq shumë vëmendje nga përdoruesit. TikTok e kanë shkarkuar mbi 315 milionë herë në tre muajt e parë të këtij viti, më shumë shkarkime se çdo aplikacion tjetër në histori.
Të njëjtën gjë SHBA-ja e bëri edhe me kompaninë Huawei, të cilën e vendosi në listën e zezë, ku ndaloi blerjen e çdo lloj produkti nga ky gjigand teknologjik për arsye sigurie, pasi mendohej se pajisjet përdoreshin për spiunazh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
