"Sfida Momo" në YouTube. Prindër kujdes me videot që shikon fëmija juaj! - Business Magazine Albania

“Sfida Momo” në YouTube. Prindër kujdes me videot që shikon fëmija juaj!


Kohët e fundit në videot e ndryshme të YouTube, madje edhe në videot e YouTube Kids po shfaqet një kukull e frikshme, ku jep këshilla të dëmshme për fëmijët në mënyrë që ata të kryejnë veprime të dhunshme, deri në vetëvrasje. E quajtur si “Sfida Momo” është bërë një shqetësim për të gjithë prindërit, të cilët kanë reaguar pasi fëmijët e tyre u kanë treguar për të.

Në këtë sfidë është prekur edhe platforma për fëmijët që supozohet të jetë e sigurt dhe larg mesazheve e pamjeve të tilla. Mesa duket këto pamje të kukullës “Momo” dalin nëpër video të ndryshme, të cilët shihen nga fëmijët.

Shumë personazhe vizatimorë janë sjellë në video të frikshme si Pepa Pig, Mickey Mouse, Elsa si dhe Spider-Man.

Lexoni: Pas “Balenës blu” një tjetër sfidë e tmerrshme po përhapet në internet

Karakteri Momo shfaqet në videot e fëmijëve duke u treguar atyre se si të kryejnë vetëvrasje apo veprime të tjera si të ndezin gazin e sobës, ndërsa prindërit e tyre janë duke fjetur, të fusin objekte në priza dhe në fund i kërcënon se nëse ata nuk do t’i bëjnë këto veprime do shfaqet në shtëpitë e tyre dhe do t’i vrasë.

Kur shkarkoni aplikacionin e YouTube Kids, ai shfaq një mesazh në ekran: “Ne punojmë shumë që të ofrojmë një eksperiencë më të sigurt në YouTube, por asnjë sistem i automatizuar nuk është i përsosur”. E vërteta është se YouTube kurrë nuk ka pasur për qëllim të jetë një platformë për fëmijët dhe është e vështirë që të përshtatet me atë rol.

Ajo që na mbetet të bëjmë është të ndajmë këtë lajm me njëri-tjetrin për fëmijë më të sigurt, që jo vetëm të mos bien pre e kësaj sfide, por edhe të rrinë sa më larg platformave të tilla.

burimi: TheGuardian

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0