Analizat fillestare të këtij sezoni veror tregojnë gjithashtu se struktura e vizitorëve po ndryshon, me më shumë vizitorë perëndimorë dhe më pak rus që vijnë në vend.
Më shumë se 91.3% e të gjithë turistëve janë pjesë e rajonit, Europa Perëndimore dhe Skandinavia.
Vizitorët nga Rusia dhe Serbia sërisht e kryesojnë listën, përgjegjës për 17.7 dhe 13% të numrit total të të gjith turistëve të huaj.
“Struktura e vizitorëve po ndryshon. E gjithë rritja që kemi momentalisht vjen nga vizitorët e tregut Europiano Perëndimor, ndërkohë vizitorë tradicionalë vazhdojnë të mbeten ata rusë,” tha Pavle Radulovic, ministër i turizmit për Malin e Zi.
“Ne kemi shënuar një rritje serioze dhe turistët vazhdojnë të vijnë,” shton ai. Raduloviç i quan të ardhurat e grumbulluara prej turizmit, më shumë se 1 miliardë euro, “një rezultat spektakolar.”
Këtë vit hotelet me 5 yje po frekuentohen më shumë, dhe fitimet janë më të larta.
Agjencia e statistikave MONSTAT tha se vetëm në muajin qershor, hotelet, kampet, resortet, shtëpitë dhe motelet kanë mikëpritur rreth 144,000 pushues.
Organizata Kombëtare e Turizmit ja atribuoi rritjen e fitimeve dhe numrin e lartë të turistëve në vitin 2018, ofertave të mira të hoteleve dhe eventeve të shumta kulturore dhe argëtuese, si në bregdet dhe në rajonin verior.
Megjithatë, disa në biznesin e turizmit, OJQ-të dhe partitë e opozitës paralajmërojnë pasoja negative mjedisore nga ky bum i pakontrolluar i turizmit.
/BalkanInsight
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
