Këshilli i Ministrave ka marrë disa vendime në mbledhjen e fundit. Ministrja e Shëndetësisë, Ogerta Manastirliu, në një dalje për mediat ka pasqyruar situatën e Covid në vendin tonë dhe fushatën e vaksinimit. Rritja e numrit të të infektuarve ka rihapur diskutimin e izolimit. Sipas saj, shumë shpejt komiteti i Ekspertëve do të vendosë në lidhje me ditët e izolimit nga varianti Omicron dhe për dozën përforcuese të vaksinimit.
“Vaksinimi ecën me ritme të qëndrueshme. Janë mbi 2.6 milionë vaksinime të kryera deri tani, për moshën plus 16 kemi arritur në 56% të vaksinimit. E rëndësishme është doza përforcuese, e cila ka dhënë garanci me uljen e shtrimeve dhe hospitalizimeve. Komiteti po vlerëson këtë aspekt rishikimin e bërjes së dozës përforcuese para afatit 6 mujor. Gjithashtu po vlerësojmë ditët e izolimit të Omicron duke vlerësuar periudhën e karantinimit dhe që shumë shpejt do të kemi nga komiteti i ekspertëve një vendim për të dy këta elementë”, është shprehur Manastirliu.
Lexo: Një nga vendet më të varfra në botë gjeti mënyrën më inovative për të shpërndarë “pagat e Covid-it”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
