Samsung Electronics njoftoi sot disponueshmërinë e serisë Galaxy S26 dhe serisë Galaxy Buds4 në Shqipëri. Si gjenerata e tretë e telefonëve inteligjentë Samsung me AI, Samsung Galaxy S26 Ultra, Samsung Galaxy S26+ dhe Samsung Galaxy S26 ofrojnë përvojën më intuitive dhe proaktive deri më tani përmes Galaxy AI, duke ndihmuar përdoruesit të kryejnë më shpejt dhe më lehtë më shumë detyra. Pas ngjarjes Galaxy Unpacked, seria e sapo prezantuar Galaxy S26 regjistroi një kërkesë të jashtëzakonshme për porosi paraprake. Shifrat e para të porosive paraprake tejkaluan rekordet e mëparshme, duke shënuar një rritje dyshifrore. Modeli premium Galaxy S26 Ultra doli shpejt si më i kërkuari, duke u zgjedhur nga mbi 70% e blerësve që bëjnë porosi paraprake në mbarë botën.
Në Europë, seria Galaxy S26 që nga prezantimi tejkaloi shifrat e porosive paraprake krahasuar me të njëjtën periudhë të vitit të kaluar. Modeli Galaxy S26 Ultra regjistroi një rritje prej 20% të porosive paraprake në nivel vjetor në të gjithë Europën, ndërsa pjesëmarrja e tij në totalin e porosive paraprake u rrit me 10% krahasuar me 2025.
Galaxy S26 Ultra: Aty ku inovacioni udhëheq
Samsung Galaxy S26 Ultra bashkon inovacionet më të avancuara të Samsung në një pajisje, performancë të fuqishme, sistemin kryesor të kamerave në industri, përvojën më intuitive me Galaxy AI, si dhe smartfonin e parë në botë me ekran të integruar Privacy Display.
Ekrani Privacy Display, i cili ka tërhequr shumë vëmendje që nga prezantimi, përfaqëson një hap të rëndësishëm në teknologjinë e ekranit, pasi në nivel pixel ndryshon mënyrën se si ruhet privatësia e përdoruesit në smartfon. I dizajnuar për situata të përditshme, ai kombinon harduerin dhe softuerin për të mbrojtur privatësinë pa bërë kompromis me cilësinë e pamjes.
I dizajnuar për performancë gjatë gjithë ditës, Galaxy S26 Ultra ofron performancën më të fuqishme deri tani në serinë Galaxy S. Ai fuqizohet nga procesori i personalizuar mobil Snapdragon 8 Elite Gen 5 Mobile Platform for Galaxy, i cili sjell përmirësime të rëndësishme në CPU, GPU dhe NPU, duke mundësuar një përvojë përdoruesi më të shpejtë dhe më të lëmuar gjatë gjithë ditës.
Galaxy S26 Ultra ofron përvojën më intuitive dhe më të thjeshtë me AI deri tani. Funksione si Now Nudge ofrojnë sugjerime proaktive dhe të përshtatura sipas kontekstit, ndërsa Now Brief sjell kujtesa në kohë për ngjarjet e rëndësishme. Gjithashtu, përdoruesit mund të zgjedhin nga agjentët AI, të cilët ndihmojnë për të kryer detyra edhe më thjesht, me një prekje të butonit ose një komandë zanore.
Galaxy S26 Ultra përmirëson sistemin kryesor të kamerave të Samsung, duke bashkuar kapjen, redaktimin dhe ndarjen e përmbajtjes në një rrjedhë intuitive. Nightography Video lejon regjistrime të gjalla edhe në kushte me ndriçim të ulët, ndërsa Super Steady, me opsionin e ri të kyçjes horizontale, siguron stabilitet shtesë edhe gjatë lëvizjeve dinamike.
Redaktimi i përmbajtjes është po aq i thjeshtë. Me funksionin e përmirësuar Photo Assist, përdoruesit mund të rregullojnë fotot dhe të shprehin kreativitetin e tyre vetëm duke përshkruar rezultatin e dëshiruar me fjalët e tyre. Ndërkohë, Creative Studio u mundëson përdoruesve të shndërrojnë idetë në përmbajtje vizuale tërheqëse, nga sticker-a dhe ftesa deri te sfondet e personalizuara.
Lexo edhe:Samsung kryesoi tregun europian të smartfonëve në vitin 2025!
Seria Galaxy Buds4: Tingull Hi-Fi i nivelit të lartë me përshtatje të optimizuar
Përdoruesit mund të zgjerojnë edhe më tej mundësitë e serisë Samsung Galaxy S26 me serinë e re Samsung Galaxy Buds4, e cila bashkon inovacionet më të avancuara të audios dhe ergonomisë nga Samsung në një përvojë të vetme dhe të përkryer.
Modelet Samsung Galaxy Buds4 Pro dhe Samsung Galaxy Buds4 sjellin tingull Hi-Fi të nivelit të lartë dhe rehati për përdorim të përditshëm, duke ofruar përvojën më të mirë të dëgjimit në historinë e serisë Galaxy Buds.
Seria Buds4 prezanton gjithashtu një dizajn të ri karakteristik blade, me kontroll pinch të gdhendur dhe një formë jashtëzakonisht ergonomike. Përshtatja optimale është arritur përmes analizës së qindra milionë të dhënave mbi formën e veshit nga e gjithë bota dhe realizimit të më shumë se 10,000 simulimeve, për të siguruar rehati gjatë gjithë ditës.
Inovacionet e avancuara harduerike dhe softuerike në modelin Samsung Galaxy Buds4 Pro, si altoparlanti i zgjeruar i basit dhe veçoritë e përmirësuara Adaptive Equalizer dhe Active Noise Cancellation, mundësojnë një spektër të pasur dhe të plotë tingulli, besnik ndaj regjistrimit origjinal.
Me integrimin e më shumë agjentëve AI dhe kontrolleve intuitive hands-free, seria Samsung Galaxy Buds4 bëhet një shoqërues natyral i pajisjeve Samsung Galaxy S26, duke zgjeruar përvojën e përditshme të përdoruesit edhe përtej vetë smartphone-it.
Nga data 11 mars, seria Samsung Galaxy S26 është e disponueshme për blerje në Shqipëri përmes operatorëve mobile, partnerëve të shitjes me pakicë, si dhe në faqen zyrtare të internetit të Samsung: https://www.samsung.com/al/smartphones/galaxy-s26-ultra/buy/. Modelet e serisë Galaxy S26 ndajnë një dizajn të dallueshëm dhe harmonik dhe janë të disponueshme në ngjyrë vjollcë, blu qielli, të zezë ose të bardhë.
Seria Samsung Galaxy Buds4 është e disponueshme në dy modele, Samsung Galaxy Buds4 Pro dhe Samsung Galaxy Buds4, ndërsa përdoruesit mund të zgjedhin mes dy ngjyrave: të bardhë dhe të zezë, me një përfundim elegant mat për të dy modelet.
Për më shumë informacion rreth serisë Samsung Galaxy S26 dhe serisë Samsung Galaxy Buds4 vizitoni: https://www.samsung.com/al/.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
