Seria e fitoreve për “Parasite” nuk ishte e vetmja surprizë e çmimeve Oscar. Samsung-u habiti shikuesit duke lançuar modelin e fundit të celularit që pritet të dalë në treg.
Kompania shfaqi reklamën e Galaxy Z Flip në një video 30-sekondëshe gjatë ceremonisë Oscar, vetëm dy ditë para se të lançojë zyrtarisht produktet dhe telefonat e rinj.
Reklama tregon telefonin në veprim, sesi hapet ekrani duke u rrokullisur. Gjithashtu në reklamë shihet sesi pjesa e parme e ekranit është e përkulur dhe nuk hapet 180 gradë, në mënyrë që bisedat video të jenë më cilësore.
https://www.youtube.com/watch?time_continue=8&v=WxbHs1QBs_4&feature=emb_title
Shumë gjëra mbetën të panjohura, si çmimi, data e lançimit dhe specifikat. Me shumë mundësi këto do të bëhen të ditura gjatë eventit.
Lexo këtu: Smartphone-t Samsung Galaxy cilësohen si më të mirët e vitit
Galaxy Z Flip do të jetë një nga smartphone-t më të vegjël në treg, i cili mund të paloset. Samsungu ka pasur probleme gjatë lançimit të Galaxy Fold, i cili është 4.6 inç dhe hapet në një tabletë 7.3 inç. Celulari doli në treg vjeshtën e kaluar, pas disa muajsh vonesë.
Në fillim të muajit u lançua edhe Motorola Razr, i cili kushton 1500 dollarë. Fansat e tij u tërhoqën shumë prej këtij modeli, pavarësisht karakteristikave të tij të mangëta. Ky model ka bateri të vogël dhe ekran plastic.
Samsungu nuk ka dhënë më shumë detaje për Galaxy Z Flip.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English