E gjithë kjo, është një histori e gjatë jo vetëm për Samsung, por edhe për kompanitë e tjera. Për vite, është menduar vendosja e sensorit fingerprint në sipërfaqen e ekranit. Shumë thashetheme thanë se Samsung Galaxy Note 8 do të ishte i pari që do t’a përqaste këtë teknologji. Fjalët u shtynë më tej se Galaxy Note 9 ishte modeli “i zgjedhur”.
Por, deri më tani asgjë nuk është materializuar duke vazhduar me sensorët “klasik” të fingerprint.
Ndërkohë një raport i ri i publikuar nga portali vendas (Korean) The Bell, thotë se asgjë nuk do të jetë ndryshe edhe në modelin Galaxy Note 9. Ai do vazhdojë të jetë i vendosur aty ku ka qënë deri tani. Raporti thotë se ndonëse shumë kompani kanë punuar e janë përpjekur të bëjnë diçka, ato kanë hasur vështirësi teknike të cilat nuk kanë bërë të mundur që kjo teknologji të prodhohet në masë.
Artikulli thotë se prodhimi i ekraneve për Galaxy Note 9 do të fillojë në Qershor. Por, edhe sikur të ketë vonesa, teknologjia është e pamundur të implementohet për 4 muaj.
Kjo do të thotë, se deri tani, smartphone i vetëm i cili mund t’a aplikojë këtë teknologji do të jetë Vivo X20 Plus HD. Ai përdor një sensor në ekran të prodhuar nga Synaptics. Ky smartphone, nuk ka dalë ende në shitje, por sipas testimeve nga Android Authority, ky sensor punon ashtu siç pritet të punojë. Por, gjithsesi ai është pak fare më i ngadaltë se sensorët aktual.
Burimi: Android Authority
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
