Samiti i Startup Europe, angazhim konkret për të rritur potencialin rajonal të startupeve dhe sipërmarrësve


Startup Europe është një iniciativë e Komisionit Europian që ka për qëllim lidhjen e startupeve, investitorëve, përshpejtuesve, sipërmarrësve, rrjeteve të korporatave, universiteteve dhe mediave përmes një sërë rrjetesh.

Sot një Deklaratë e Përbashkët Përforcimi për Ekosistemin Teknologjik të Sipërmarrjes në Evropën Qendrore dhe Lindore dhe në Ballkanin Perëndimor u nënshkrua nga organizatat që përfaqësonin startupe nga Shtetet Anëtare të BE-së nga Europa Qendrore dhe Lindore dhe nga Ballkani Perëndimor.

Revolucioni dixhital ofron mundësi të mëdha për rritje dhe inovacion në të dyja rajonet, të cilat kanë pasuri të mëdha si p.sh. një grup i madh njerëzish të talentuar me aftësi të forta ICT, një komunitet me rritje dinamike dhe përmirësim të shpejtë të infrastrukturës dhe lidhjes si dhe afërsia me tregjet e mëdha.

Startupet, në veçanti, mund të ndihmojnë në transformimin e ekonomive dhe shoqërive vendore në të dy rajonet, duke krijuar punë të cilësisë së lartë. Sidoqoftë, startupet vazhdojnë të përballen me sfida që i pengojnë ata të realizojnë potencialin e tyre të plotë, siç janë mungesa e mbështetjes, burokracitë dhe investimet e pakëta. Një përpjekje bashkëpunuese është e nevojshme për të përmirësuar ekosistemet e startupeve në të dy rajonet, për të siguruar një mjedis miqësor për inovacionin dhe për të mundësuar ecurinë e startupeve dixhitale dhe NVM-të për të përmirësuar dhe marrë pjesë në tregun e brendshëm dixhital të BE.

Samiti i Startupeve për Europën, i cili këtë vit fokusohet në rajonet e Evropës Qendrore dhe Lindore, si dhe në Ballkanin Perëndimor, ka grumbulluar më shumë se 500 përfaqësues të ekosistemit sipërmarrës europian duke përfshirë investitorë, drejtues ekzekutivë, përshpejtues, autoritete evropiane dhe gazetarë teknologjikë.

Me këtë rast, Komisionerja për Ekonominë Dixhitale dhe Shoqërinë Marija Gabriel, tha: Jam veçanërisht e lumtur të drejtojë Samitin e Startup-eve në Sofje të këtij viti me një fokus të veçantë në Evropën Qendrore dhe Lindore dhe në rajonin e Ballkanit Perëndimor. Samiti do të ketë diskutime frymëzuese dhe do të paraqesë ide të mëtejshme për të lidhur potencialin, dinamizmin dhe kreativitetin e startupeve në këto rajone me nismat e politikës së BE. Një shembull i rëndësishëm është Axhenda Digjitale për Ballkanin Perëndimor, të cilin e nisëm në Qershor në Sofje me liderët e Ballkanit Perëndimor që synojnë të mbështesin partnerët rajonalë për të pasuar transformimin e tyre digjital dhe për të sjellë përfitime dhe mundësi për qytetarët dhe bizneset.”

Klikoni këtu për të parë zhvillimet në Samit:

https://www.youtube.com/watch?v=VtxXU423BA4&feature=youtu.be&fbclid=IwAR1klqEOppFviYc1IrsF_xyMLBfX-gtxr75k9P4PcjwOivoKu-9XWByNWd0

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale