“Tirana si Qyteti i Nomadëve” është diçka të cilën po e shohim të prekshme çdo ditë e më shumë. Kudo flitet për nomadët digjitalë, të cilët punojnë ose drejtojnë sipërmarrjet e tyre në distancë, ndaj po synohet të grumbullohen të dhëna për orientimin që duhet të kenë këta të rinj globalisht që të zgjedhin Tiranën si dhe për të reflektuar mbi disa raste suksesi të të rinjve që realisht e provojnë kryeqytetin.
Ndaj, shoqata ‘Resurset në Zhvillim’ do të mbledhë në datat 23-24-25 Qershor, në një Samit Nomadësh Digjitalë, të rinj sipërmarrës, dashamirës të sipërmarrjes dhe punës në distancë si dhe nomadë digjitalë për të shkëmbyer eksperienca midis tyre dhe për të punuar për një agjendë nomadësh digjitale për të ardhmen.
Hapja e Samitit do të zhvillohet ditën e shtunë 24 Qershor tek Destil Creative Hub në orën 10:30.
Panelet kryesore do të trajtojnë: Nomadët Digjital dhe ekosistemi i startupeve në Shqipëri
Nomadët digjitalë të Tiranës, the early adaptors
Eventi do të hapet me përshëndetjen e Menaxherit të Projekteve të RID – Xaira Shurdha dhe Drejtores së Inovacionit në Bashkinë Tiranë – Faola Hodaj.
Pjesëmarrësit e interesuar, duhet të konfirmojnë deri me 22 Qershor në emailin ridprojekte@gmail.com.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
