Sa është numri i femrave në biznes në Shqipëri?


Sipas raportit të “Hendekut Global Gjinor” nga “Forumi Ekonomik Botëror”, Shqipëria ka përmirësuar renditjen e saj me 8 vende krahasuar me një vit më parë, duke u listuar e 62-a nga 144 vende të cilat janë marrë në konsideratë. Por, renditja vijon të jetë më keq se në vitin 2006 kur Shqipëria renditej në vendin e 61.

Ky indeks mbështet në katër shtylla bazë, në pjesëmarrjen në ekonomi dhe mundësitë, nivelin arsimor, shëndetin dhe pushtetin në politikë, ku në këtë të fundit ka renditjen më të mirë, e 53-a në botë.

Ndërsa për sa i përket shëndetit, gratë shqiptare kanë shëndetin më të dobët jo vetëm nga rajoni, por edhe në botë, duke u renditur të tretat nga fundi. Kjo kategori tregon për diferencat që kanë gratë dhe burrat në shëndet për sa i përket sëmundjeve kardiovaskulare, kancerit, diabetit, sëmundjeve respiratore, HIV/AIDS, vetëvrasjeve dhe kequshqyerjes.

Krahasuar me vitet ’90, ku pjesëmarrja e grave në forcën punëtore ishte rreth 53%. Sot ky tregues përllogaritet rreth 55.1%, sipas të dhënave të INSTAT.

Renditemi të 73-at në botë për sa i përket pjesëmarrjes në ekonomi.

Po sipas raportit të “Forumit Ekonomik Botëror”, bizneset me pronare femra përbëjnë rreth 12.5% të totalit. Ndërsa firmat që drejtueset (menaxheret e larta) i kanë femra janë vetëm 11.7% e totalit. Në Europë, 1 nga 3 gra ka pozicion drejtues.

Krahasuar me rajonin renditemi të dytët, 14 vende pas Serbisë.

Sipas INSTAT, në vitin 2015 ndërmarrjet e administruara ose drejtuara nga femrat zënë 31,3 % të ndërmarrjeve aktive gjithsej. Përqendrimi më i lartë i femrave si administratore ose drejtuese është në aktivitetin tregtar, me 36,5 %.

Qarku i Tiranës ka edhe përqendrimin më të madh, 47,5 % të ndërmarrjeve të drejtuara nga femrat, ndërsa përqindja më e ulët, 5,6 % është në qarkun e Kukësit.

Ndërmarrjet e drejtuara nga femrat janë kryesisht ndërmarrje me 1-4 të punësuar të cilat zënë 93% të numrit të përgjithshëm të ndërmarrjeve të drejtuara nga femrat. Femrat drejtojnë 20.4 % të ndërmarrjeve me 50 e më shumë të punësuar.

Sipas formës ligjore, pesha më e madhe e femrave pronare/administratore është tek personat fizikë (me gati 40% të totalit), që shpjegohet kryesisht me faktin se ato janë të vetëpunësuara në sektorin e tregtisë e shërbimeve.

Një tjetër kategori ku ka shumë femra në drejtim është ai i organizatave jo fitimprurëse, me gati 36%.

Përqindja më e ulët është tek shoqëritë aksionere me 16% dhe shoqëritë me përgjegjësi të kufizuar me 18.4%, ç’ka tregon qartë nivelin e ulët të femra drejtuese e pronare tek kompanitë e mëdha.


Burimi: monitor.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale