Shqiptarët që jetojnë dhe punojnë jashtë kufjive të vendit janë një potencial i jashtëzakonshëm i zhvillimit ekonomik. Kjo jo vetëm nëpërmjet remitancave, që i kapërcejnë vlerën e 1 miliard eurove në vit, por edhe nëpërmjet ekspertizës dhe rrjetit të bashkëpunimeve.
Por sa e madhe është diaspora shqiptare sot në botë?
Dhoma e Biznesit të Diasporës ka publikuar shifrat përsa I përket shqiptarëve që jetojnë jashtë dhe ndarjes gjinore të tyre.
“Ende nuk ekziston një shifër plotësisht e saktë për diasporën shqiptare, për shkak të kompleksitetit që karakterizon këtë dukuri. Megjithatë, sipas të dhënave të fundit të Institutit të Statistikave, për vitin 2025, diaspora e re shqiptare llogaritet në rreth 2.25 milionë shtetas jashtë vendit ose rreth 49% e shtetasve shqiptarë gjithsej”, theksohet në postimin e Dhomës së Biznesit të Diasporës. Sipas statistikave zyrtare, jashtë territorit të Shqipërisë përllogariten 2,256,346 individë, ku:
Lexo edhe: Njihuni me fituesit e Teens in AI Albania Techathon 2026
LIGJET E BIZNESIT–Ligji në Kohë Reale për Biznesin Modern
- 1,177,529 janë meshkuj
- 1,078,817 janë femra
Struktura sipas moshës tregon një profil të ri dhe ekonomikisht aktiv:
- 18% janë 0–14 vjeç
- 77% janë 15–64 vjeç
- 5% janë mbi 65 vjeç
“Kjo do të thotë se diaspora shqiptare nuk është thjesht një statistikë, është një kapital njerëzor i ri, produktiv dhe me potencial të lartë për kontribut ekonomik, profesional dhe strategjik”, thekson Dhoma e Biznesit të Diasporës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
