Shumë drejtues biznesi kanë zakone të përditshme që i ndihmojnë të përballojnë ngarkesën dhe të mbeten produktivë. Një nga to është edhe Jamie Wood, themeluese e një platforme për mirëqenie të trurit, e cila pas një periudhe lodhjeje dhe stresi, krijoi një rutinë të thjeshtë por të pandashme të mëngjesit.
Lexo edhe: Çfarë është Revolut dhe a është Shqipëria gati për bankat digjitale?
Këto janë 4 hapa që ajo i konsideron “jo-negociues” për një ditë më të qetë, më të përqendruar dhe më energjike:
-
Pa telefona menjëherë pas zgjimit
30 minutat e para pas zgjimit i kalon larg ekranit. Kjo e ndihmon të ruajë fokusin, motivimin dhe qartësinë mendore. Në vend të kësaj, ajo kryen ritualet e përditshme si larja, dushi dhe veshja. -
Një gotë ujë të ngrohtë me pak kripë
Për hidratim, ajo pi ujë të ngrohtë me një fetë limoni ose portokalli dhe një majë kripe. Ky kombinim e ndihmon të rigjejë elektrolitet pas natës dhe përmirëson funksionin kognitiv dhe humorin. -
Ekspozim ndaj dritës natyrale
Qoftë duke dalë jashtë ose duke qëndruar pranë një dritareje nga lindja e diellit, ajo merr dritë natyrale brenda orës së parë pas zgjimit. Ky zakon ndihmon trupin të rregullojë ritmin biologjik, duke mbështetur energjinë, përqendrimin dhe gjumin e shëndetshëm. -
Lëvizje fizike
Një shëtitje e shkurtër ose disa ushtrime të lehta si shtrirje, pompa apo kërce, i japin trupit dozën e parë të energjisë. Aktiviteti fizik në mëngjes nxit hormonet e fokusit dhe motivimit, duke përmirësuar kujtesën, mësimin dhe fleksibilitetin mendor gjatë ditës.
Mesazhi kryesor: Një rutinë e thjeshtë, larg teknologjisë, me ujë, dritë dhe lëvizje, mund të përgatisë trurin dhe trupin për një ditë më produktive dhe më të balancuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
