Në Shtetet e Bashkuara të Amerikës, rritja e normave të interesit po shtyp tregun e kredive hipotekore, pasi pak pronarë shtëpish të çmuara mund të përfitojnë nga një financim dhe blerësve potencialë po u vjen më e shtrenjtë fatura e blerjes.
Vëllimi total i aplikimit për kredi hipotekore ra me një tjetër 6% javën e kaluar, krahasuar me një javë më parë, sipas Shoqatës së Bankierëve. Vëllimi ra me 41% nga e njëjta javë e një viti më parë.
Aplikimet për rifinancimin e një kredie për shtëpi, të cilat kanë qenë në rënie të vazhdueshme prej muajsh, ranë me 10% të tjera javë në javë. Kërkesa për rifinancim ishte 62% më e ulët se e njëjta javë e një viti më parë.
“Vëllimi i aplikimit për hipotekë vazhdon të bjerë për shkak të rritjes së shpejtë të normave të interesit, pasi tregjet financiare presin një politikë monetare dukshëm më të shtrënguar në muajt e ardhshëm,” tha Joel Kan, një ekonomist MBA. “Ndërsa normat më të larta zvogëlojnë nxitjen për rifinancim, vëllimi i aplikimit ra në nivelin më të ulët që nga pranvera e 2019.”
Një treg i fortë punësimi, me rritje të vazhdueshme të pagave, është i vetmi indikator që po e mban ende “në shina” kërkesën për banesa, por oferta e shtëpive ekzistuese për shitje është ende jashtëzakonisht e dobët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English