Rritet çmimi i ilaçeve, ndryshon kontrata koncesionare - Business Magazine Albania

Rritet çmimi i ilaçeve, ndryshon kontrata koncesionare


Çmimet e ilaçeve për konsumatorët pritet të rriten me 2.4 %, për shkak se këto produkte tani do të pajisen me pullë fiskale. Qeveria ka dërguar në Parlament projektligjin, i cili ndryshon marrëveshjen koncesionare me kompaninë “SICPA”.

Sipas draftit të ri, veç alkoolit dhe cigareve, tani detyrimin për t’u paraqitur me pullë fiskale do ta kenë edhe barnat, çfarë sipas relacionit forcon kontrollin mbi këto produkte dhe mundëson gjurmueshmërinë e tyre nga prodhuesit te konsutamori përfundimtar.

Në fakt, pajisja e barnave me pullë fiskale ishte vendosur që në kontratën fillestare të koncesionit të miratuar në vitin 2011, nga qeveria e mëparshme. Por, fillimisht u parashikua një periudhë tranzitore, pasi përfshirja e barnave në sistemin e pullës ishte e vështirë teknikisht.

Ndryshimi i ri i kontratës koncesionare është kërkuar nga Ministria e Shëndetësisë. Në relacionin shoqërues të saj thuhet se, sistemi i ri mundëson një kontroll më të fortë mbi barnat dhe bën të mundur gjurmueshmërinë e tyre nga prodhuesi te konsumatori final, duke i mbrojtur ata nga abuzimi me cilësinë apo kontrabanda.

Sipas kontratës, për këtë shërbim qytetarët do të paguajnë një kosto shtesë prej 2.4% mbi çmimin me pakicë të barnave. Në kontratën fillestare, të miratuar në vitin 2011, kostoja e koncesionit ishte parashikuar fikse: 2.3 lekë për çdo copë.

Dy vite më parë, Autoriteti i Konkurrencës i pati kërkuar qeverisë të bllokojë vendosjen e pullave fiskale mbi barnat, për shkak se kjo do të rriste koston e medikamenteve. Por Ministria e Shëndetësisë thotë se ky shërbim është i domosdoshëm për të kontrolluar tregun e ilaçeve në vend.

Burimi: top-channel.tv

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0