Me ndryshimet në projektligjin për mbrojtjen e të dhënave personale, do të aplikohet një sistem i ri gjobash. Në bazë të këtyre ndryshimeve, personat që thyejnë ligjin për mbrojtjen e të dhënave personale do të përballen me gjoba më të larta se më parë.
Këtë parashikojnë ndryshimet në projektligjin për mbrojtjen e të dhënave personale.
Masa e gjobës do të jetë në nivelet që zbatohet nga vendet e Bashkimit Europian. Në projektligj parashikohen për herë të parë rregulla për përpunimin e të dhënave personale nga autoritetet kompetente për sigurinë publike ose kombëtare dhe për parandalimin dhe ndjekjen e veprave penale.
Njëkohësisht, mandati dhe kompetencat e Komisionerit do t’I japing më shumë pavarësi në ushtrimin e funksionit, mbikeqyrjen dhe zbatimin e ligjit, duke parashikuar për herë të parë, kompetenca ndihmëse, hetimore dhe korrigjuese.
Në funksion të mbrojtjes së të dhënave personale, krahas detyrimeve të parashikuara nga legjislacioni aktual parashikohen edhe detyrime të reja për kontrolluesit dhe përpunuesit si “kryerja e vlerësimit të ndikimit në mbrojtjen e të dhënave personale përpara fillimit të një procesi përpunimi, detyrimi për tu konsultuar paraprakisht me Komisionerin përpara fillimit të përpunimit të dhënave, në rast se ky përpunim rezulton me rrezik të lartë për subjektin e të dhënave, detyrimi për emërimin e një nëpunësi të mbrojtjes së të dhënave, si dhe prezantimi për herë të parë i kodeve të sjelljes dhe mekanizmave të certifikimit.”
Lexo: Arrestohen katër persona për “skandalin e pagave”: Dolën nga AKSHI dhe u shitën te kompani private
Sipas Projektligjit, në funksion të mbrojtjes efektive të të dhënave personale, krahas detyrimeve të parashikuara nga legjislacioni aktual parashikohen edhe detyrime të reja për kontrolluesit dhe përpunuesit si: kryerja e vlerësimit të ndikimit në mbrojtjen e të dhënave personale përpara fillimit të një procesi përpunimi, detyrimi për tu konsultuar paraprakisht me Komisionerin përpara fillimit të përpunimit të dhënave, në rast se ky përpunim rezulton me rrezik të lartë për subjektin e të dhënave, detyrimi për emërimin e një nëpunësi të mbrojtjes së të dhënave, si dhe prezantimi për herë të parë i kodeve të sjelljes dhe mekanizmave të certifikimit.
Projektligji prezanton një sistem të ri sanksionesh administrative për shkeljen e dispozitave të tij, duke rritur në mënyrë të konsiderueshme masën e gjobës, e cila unifikohet me masën e gjobës që zbatohet nga vendet e Bashkimit Europian, si një tregues i qartë për rëndësinë që ka mbrojtja e të dhënave personale dhe zbatimi i detyrimeve që burojnë nga kuadri ligjor në këtë fushë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
