Roboti android, EveR 6 u ngjit në podiumin e dirigjentit në Seul, për të drejtuar një performancë të orkestrës kombëtare të Koresë së Jugut.
Roboti me dy krahë, i projektuar nga Instituti Korean i Teknologjisë Industriale, bëri debutimin e tij në Teatrin Kombëtar të Koresë.
Roboti me fytyrë humanoide, u përkul fillimisht para audiencës dhe filloi të tundte krahët për të kontrolluar tempin e shfaqjes live.
“Lëvizjet e një dirigjenti janë shumë të detajuara”, tha Choi Soo-yeoul, i cili drejtoi performancën e së premtes së bashku me robotin. “Roboti mundi të realizonte lëvizje të detajuara shumë më mirë nga sa e kisha imagjinuar”, sipas Choi, por “dobësia” e EveR 6 është se nuk mund të dëgjojë.
Lexo edhe:
Lee Young- Inteligjenca artificiale, si po ndryshon botën
, i cili studion muzikën tradicionale koreane, tha se roboti ishte i saktë, por mungonte “fryma”, ose aftësia për ta mbajtur orkestrën me energji dhe të bashkuar, gjë që ishte thelbësore në performancë, sipas tij.
Roboti humanoid drejtoi tre nga pesë pjesët e së premtes në mbrëmje, duke përfshirë një të realizuar së bashku me Choi.
Pas koncertit, Choi tha se, “Ishte një recital që tregoi se robotët dhe njerëzit mund të bashkëjetojnë dhe plotësojnë njëri-tjetrin, në vend që njëri të zëvendësojë tjetrin”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
