Robotët “përkthyes” mundësojnë komunikimin mes specieve, sipas eksperimentit - Business Magazine Albania

Robotët “përkthyes” mundësojnë komunikimin mes specieve, sipas eksperimentit


Peshqit dhe bletët kanë qenë në gjendje të komunikojnë për herë të parë, të ndihmuar nga disa robotë që imitojnë dhe kontrollojnë veprimet e tyre, në një eksperiment të pazakontë që përktheu sinjalet e sjelljes ndërmjet specieve.

“Robotët vepruan sikur të ishin negociatorë dhe përkthyes në një konferencë ndërkombëtare. Nëpërmjet shkëmbimeve të ndryshme të informacionit, të dy grupet e kafshëve arritën gradualisht në një vendim të përbashkët “, tha Francesco Mondada i “Ecole Polytechnique Federale de Lausanne”, një nga studiuesit në eksperimentin e njohur si “ASSISIbf”.

Bletët austriake përshtatën sjelljen e tyre me peshqit zviceranë duke komunikuar nëpërmjet “përkthyesve” robotë, të cilat i lejonin të dy llojet të kuptonin sjelljet e njëri-tjetrit dhe së shpejti bënë që të lëviznin në një mënyrë të ngjashme.

Më parë, robotët eksperimentalë ishin dërguar vetëm për t’u infiltruar në grupet e kafshëve të vetme për të ndikuar në sjelljen e tyre, duke u përzier me grumbuj të panjohur buburrecësh dhe zogjsh.

Hulumtuesit kanë përsosur tashmë përdorimin e botëve për të bindur një grup peshqish për të notuar në një drejtim të zgjedhur, duke përsëritur sinjalet e tyre të sjelljes – lëvizjet e bishtit, përshpejtimet dhe dridhjet dhe sinjalet vizuale, ngjyrat, vijat dhe format – në një eksperiment të mëparshëm.

Ndërkohë, robotët kontrollonin bletët përmes vibracioneve, ndryshimeve të temperaturës dhe lëvizjeve.

Studiuesit sugjeruan se puna e tyre “mund të hapë derën për forma të reja të inteligjencës kolektive artificiale … të cilat mund të gjejnë aplikim në thurje selektive të ekosistemeve”.

Shiko Videon

Hashtag.al

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0